ເງື່ອນໄຂເງິນກູ້ຂອງກອງທຶນ LAFF
ທຶນຂອງກອງທຶນ LAFF ແມ່ນເປັນທຶນເງິນກູ້ທີ່ບໍ່ມີຫຼັກຊັບຄ້ຳປະກັນ ແຕ່ມີເງື່ອນໄຂຄືດັ່ງທີ່ໄດ້ລະບຸໄວ້ໃນພາກນີ້, ລາຍລະອຽດກ່ຽວກັບເງື່ອນໄຂດັ່ງກ່າວທີ່ຈະໄດ້ຕົກລົງນຳກັນແມ່ນຈະໄດ້ມີການເຈລະຈານຳກັນກັບສະຖາບັນການເງິນທີ່ໄດ້ຖືກຄັດເລືອກ ພາຍຫຼັງທີ່ໄດ້ມີການປະເມີນສິນເຊື່ອ ແລະ ມີການກວດກາບັນດາເອກະສານຕ່າງໆສຳເລັດແລ້ວ. ທຶນເງິນກູ້ຈາກກອງທຶນ LAFF ແມ່ນສະໜອງໃຫ້ເປັນທຶນໜູນວຽນ, ສະຖາບັນການເງິນທີ່ໄດ້ຮັບທຶນ ແມ່ນສາມາດປ່ອຍກູ້ຕໍ່ ແລະ ປ່ອຍໜູນວຽນໃຫ້ແກ່ໃຫ້ແກ່ຫົວໜ່ວຍ MSMEs ໄດ້ຕາມເງື່ອນໄຂສຳລັບຫົວໜ່ວຍ MSMEs ກໍ່ຄືເງື່ອນໄຂຂອງ ເງິນກູ້ຍ່ອຍ.
ສັງລວມບັນດາເງື່ອນໄຂຕົ້ນຕໍຂອງທຶນເງິນກູ້ຈາກກອງທຶນ LAFF:
- ປ່ອຍກູ້ໃຫ້ເປັນສະກຸນເງິນກີບ;
- ກຳນົດເວລາຫົກປີສຳລັບທະນາຄານທຸລະກິດ (ລະຫວ່າງ 4-6 ປີ ສຳລັບ ສກຈຮ);
- ຊ່ວງພັກຊຳລະຕົ້ນທຶນ ແມ່ນ 1/3 ຂອງກຳນົດເວລາຂອງເງິນກູ້;
- ການຊຳລະຕົ້ນທຶນແມ່ນ ຊຳລະເປັນ ສີ່ ງວດໃນວົງເງິນທີ່ເທົ່າກັນ, ຈ່າຍໃນຕອນທ້າຍຂອງປີທີສາມຫາປີທີຫົກ.[1]
- ອັດຕາດອກເບ້ຍ 5,9% ຕໍ່ປີສຳລັບທະນາຄານທຸລະກິດ (7.5% ຕໍ່ປີສຳລັບ ສກຈຮ);
- ການຈ່າຍດອກເບ້ຍແມ່ນຈ່າຍເປັນປີ ແລະ ຈ່າຍໃນຕອນທ້າຍຂອງແຕ່ລະປີ;
- ການຄິດໄລ່ດອກເບ້ຍແມ່ນຄິດໄລ່ຕາມຈຳນວນເງິນຕົ້ນທຶນທີ່ຍັງບໍ່ທັນໄດ້ຖືກຊຳລະ;
- ບໍ່ມີຄ່າທຳນຽມໃດໆ, ແຕ່ຈະມີການປັບໄໝໃນກໍລະນີມີການຊຳລະຕົ້ນທຶນຊັກຊ້າ ໂດຍການເພີ່ມດອກເບ້ຍຂື້ນ 2% ຂອງເວລາທີ່ຊັກຊ້າ;
- ບໍ່ມີການປັບໄໝໃນກໍລະນີຈ່າຍກ່ອນກຳນົດ;
- ບໍ່ມີຫຼັກຊັບຄ້ຳປະກັນ;
- ຕົ້ນທຶນເງິນກູ້ຈາກກອງທຶນ ກສທ ທີ່ໄດ້ຖືກສົ່ງຄືນຈາກລູກຄ້າຍ່ອຍ ແມ່ນສາມາດປ່ອຍເປັນເງິນກູ້ຍ່ອຍໃຫ້ລູກຄ້າ ທີ່ເປັນຫົວໜ່ວຍ MSMEs ຕໍ່ໄປເລື້ອຍໆ ພາຍໃຕ້ເງື່ອນໄຂສຳລັບເງິນກູ້ຍ່ອຍ ຫຼື ເງື່ອນໄຂສຳລັບ MSMEs.