Laff.org.la

26 Aug ປະກາດແຈ້ງການ

Posted at 11:20h in EOI_LAFF II, News, ແຈ້ງການ [social_share]

ໜັງສືສະເໜີຂໍຈົດໝາຍສະແດງເຈດຈຳນົງ (EoI)

I. ເນື້ອໃນ

1. ສະພາບລວມ

ປັດຈຸບັນ, ລັດຖະບານ ສປປ ລາວ ຕາງໜ້າໂດຍກະຊວງການເງິນ ແລະ ທະນາຄານພັດທະນາອາຊີ (ADB) ໄດ້ຮ່ວມກັນຈັດຕັ້ງປະຕິບັດ ໂຄງການລະບົບອາຫານກະສິກຳແບບຍືນຍົງ (Sustainable Agri-Food Systems Sector Project ຫຼື SASSP) ເຊິ່ງທະນາຄານແຫ່ງ ສປປ ລາວ ເປັນອົງກອນຜູ້ປະຕິບັດໂຄງການ (Implementing Agency-IA), ຊຶ່ງໄດ້ຮັບທຶນຈໍານວນໜຶ່ງ ເພື່ອນຳໃຊ້ເປັນແຫຼ່ງທຶນປ່ອຍກູ້ ເປັນສະກຸນເງິນກີບ (ສະກຸນເງິນທ້ອງຖິ່ນ) ໃຫ້ເປົ້າໝາຍຫົວໜ່ວຍທຸລະກິດທີ່ເປັນຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ (MSMEs) ໂດຍຜ່ານກອງທຶນສົ່ງເສີມການເຂົ້າເຖິງແຫຼ່ງທຶນໃນ ສປປ ລາວ (ກອງທຶນ LAFF).

2. ຈຸດປະສົງ ແລະ ວິທີການ ຂອງກອງທຶນ

ກອງທຶນ LAFFໃຫ້ການສະໜັບສະໜູນ ການພັດທະນາຕະຫຼາດສິນເຊື່ອ ເພື່ອປ່ອຍກູ້ໃຫ້ແກ່ ຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ (MSME-credit markets) ເຊີ່ງເປັນພາກສ່ວນທີ່ມີຄວາມຕ້ອງການເງິນກູ້ຢ່າງຫຼວງຫຼາຍ ແຕ່ຍັງບໍ່ທັນ ໄດ້ຮັບການຕອບສະໜອງຢ່າງພຽງພໍເທື່ອ ແລະ ຍັງເປັນພາກສ່ວນທີ່ມີການສ້າງລາຍຮັບ ແລະ ສ້າງວຽກເຮັດງານທຳໃຫ້ແກ່ ປະຊາຊົນລາວຢ່າງຫຼວງຫຼາຍ. ກອງທຶນ LAFF ສະໜອງທຶນເງິນກູ້ແບບມອບເໝົາ (Wholesale loan) ເຊີ່ງມິກຳນົດໄລຍະເວລາສູງສຸດ 06 ປີ ແລະ ຕາມເງື່ອນໄຂກົນໄກຕະຫຼາດ ແລະ ມີການກໍານົດອັດຕາດອກເບ້ຍໂດຍອີງໃສ່ອັດຕາດອກເບ້ຍຕົວຈິງໃນຕະຫຼາດການປ່ອຍເງິນກູ້ ຫຼື ໜີ້ສິນ ທີ່ເປັນສະກຸນເງິນກີບຂອງທະນາຄານທຸລະກິດ ແລະ ສະຖາບັນການເງິນຈຸລະພາກທີ່ຮັບເງິນຝາກ (ສກຈຮ). ການດຳເນີນງານຕາມກົນໄກຕະຫຼາດ ແມ່ນຈະເປັນການຊ່ວຍເຮັດໃຫ້ຜູ້ກູ້ຢືມທຶນຈາກກອງທຶນ LAFF ນັ້ນກໍ່ຄື ສະຖາບັນການເງິນທີ່ເປັນຄູ່ຮ່ວມງານ (PFIs) ສາມາດນຳໃຊ້ແຜນຍຸດທະສາດດ້ານການຕະຫຼາດ, ນະໂຍບາຍສິນເຊື່ອ ແລະ ເງື່ອນໄຂການປ່ອຍກູ້ຕໍ່ໃຫ້ແກ່ MSMEs ໄດ້ຢ່າງເຕັມສ່ວນ, ລວມທັງການກຳນົດອັດຕາດອກເບ້ຍ. ທຶນເງິນກູ້ແບບມອບເໝົາຈາກກອງທຶນ LAFF ແມ່ນສະໜອງໃຫ້ຕາມເງື່ອນໄຂເພື່ອປ່ອຍກູ້ຕໍ່ໃຫ້ແກ່ກິດຈະກຳທີ່ເປັນເສດຖະກິດ ທີ່ດຳເນີນງານໂດຍຫົວໜ່ວຍຈຸລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ (MSMEs).

3. ການຄຸ້ມຄອງບໍລິຫານກອງທຶນ

ທະນາຄານແຫ່ງ ສປປ ລາວ (ທຫລ) ໄດ້ແຕ່ງຕັ້ງໜ່ວຍງານຄຸ້ມຄອງແລະບໍລິຫານກອງທຶນ LAFF (LMU) ເຊີ່ງແມ່ນກົມບໍລິການທະນາຄານ (BOD) ເປັນຈຸດໃຈກາງໃນການປະສານງານ.[1] ໜ່ວຍງານ LMU ແມ່ນມີຄວາມຮັບຜິດຊອບໃນການຄຸ້ມຄອງແລະບໍລິຫານ ການດຳເນີນງານຂອງກອງທຶນ LAFF ຕາມເງື່ອນໄຂ ແລະ ວິທີການທີ່ໄດ້ຕົກລົງກັນລະຫວ່າງ ທຫລ ໃນນາມເປັນອົງກອນຜູ້ປະຕິບັດໂຄງການ ແລະ ADB ໃນນາມເປັນຜູ້ສະໜອງເງິນກູ້ດອກເບ້ຍຕໍ່າ. ທ່ານຜູ້ອຳນວຍການກອງທຶນ LAFF ແມ່ນເປັນຫົວໜ້າໜ່ວຍງານດັ່ງກ່າວ ແລະ ຢູ່ພາຍໃຕ້ການຊີ້ນຳ ຂອງຄະນະຊີ້ນຳລວມກອງທຶນ LAFF (LSC) ເຊີ່ງແມ່ນທ່ານຮອງຜູ້ວ່າການ ທຫລ ເປັນປະທານ. ໂດຍອີງຕາມທິດຊີ້ນຳຂອງຄະນະຊີ້ນຳລວມກອງທຶນ, ທ່ານຜູ້ອຳນວຍການ ກອງທຶນ LAFF ເຊີ່ງແມ່ນທ່ານຫົວໜ້າກົມບໍລິການທະນາຄານ ຈື່ງປະກາດແຈ້ງການ ເພື່ອສະເໜີຂໍຈົດໝາຍສະແດງເຈດຈຳນົງຈາກສະຖາບັນການເງິນທີ່ມີຄວາມສົນໃຈເຂົ້າຮ່ວມໂຄງການ ດັ່ງລຸ່ມນີ້:

4. ການອອກປະກາດແຈ້ງການ

ກົມບໍລິການທະນາຄານ ຂໍຖືເປັນກຽດແຈ້ງມາຍັງທະນາຄານທຸລະກິດ ແລະ ສະຖາບັນການເງິນຈຸລະພາກທີ່ຮັບເງິນຝາກ (ສກຈຮ) ທີ່ມີການຄຸ້ມຄອງ ແລະ ບໍລິຫານ ຢ່າງເປັນມືອາຊີບ ໃນ ສປປ ລາວ ແລະ ມີຍຸດທະສາດໃນການປ່ອຍກູ້ ໃຫ້ແກ່ຂະແໜງການ MSMEs ລວມທັງວິສາຫະກິດທີ່ຍັງບໍ່ທັນໄດ້ຈົດທະບຽນ ແລະ ລະດັບຄົວເຮືອນ ທີ່ປະຕິບັດກິດຈະກຳທີ່ເປັນເສດຖະກິດ, ໃຫ້ສະເໜີຂໍທຶນເງິນກູ້ແບບມອບເໝົາຈາກກອງທຶນ LAFFແລະ ການຊ່ວຍເຫຼືອດ້ານວິຊາການ (ຖ້າທ່ານມີຄວາມຈຳເປັນ). ໃນອັດຕາດອກເບ້ຍ 7% ຕໍ່ປີ ສຳລັບທະນາຄານທຸລະກິດ ແລະ 8% ຕໍ່ປີ ສຳລັບ ສກຈຮ. ໜັງສືສະແດງເຈດຈຳນົງ ລວມທັງໃບສະເໜີຂໍເງິນກູ້ ແລະ ເອກະສານຕ່າງໆທີ່ຕ້ອງການ ຈາກສະຖາບັນການເງິນທີ່ສະເໜີຂໍທຶນ ແມ່ນຈະໄດ້ຮັບການປະເມີນຢ່າງລະອຽດ, ອີງໃສ່ເອກະສານທີ່ສົ່ງມາໃຫ້ ແລະ ການລົງສຳພາດຕົວຈິງ ແລະ ໂດຍການນຳໃຊ້ເງື່ອນໄຂເຂົ້າຮ່ວມໂຄງການ ແລະ ເຄື່ອງມືການໃຫ້ຄະແນນທີ່ມີການສັ່ງນ້ຳໜັກ ລວມກັບການປະເມີນທາງດ້ານຄຸນນະພາບ. ສະຖາບັນການເງິນທີ່ສະເໜີຂໍທຶນ ທີ່ສາມາດຜ່ານໄດ້ບັນດາເງື່ອນໄຂຕ່ຳສຸດ ແລະ ໄດ້ຮັບຄະແນນສູງສຸດໃນແງ່ຂອງຜົນສຳເລັດດ້ານເປົ້າໝາຍການພັດທະນາຕະຫຼາດ ແລະ ຜົນຈາກການໃຫ້ຄະແນນທີ່ດີ ແມ່ນຈະໄດ້ຮັບການຄັດເລືອກເຂົ້າຮ່ວມໂຄງການ. ກ່ຽວກັບເງື່ອນໄຂເຂົ້າຮ່ວມໂຄງການ ແລະ ເອກະສານທີ່ຕ້ອງການ ແມ່ນສາມາດເບີ່ງລາຍລະອຽດໄດ້ໃນພາກ II ຂ້າງລຸ່ມນີ້.

5. ເປົ້າໝາຍການພັດທະນາຕະຫຼາດ (Market-development targets)

ໃນການສະເໜີຂໍຈົດໝາຍສະແດງເຈດຈຳນົງຂອງກອງທຶນ LAFF ໃນຄັ້ງນີ້ ແມ່ນເພື່ອສົ່ງເສີມໃຫ້ບັນດາທະນາຄານທຸລະກິດ ແລະ ສກຈຮ ເຂົ້າເຖິງຫົວໜ່ວຍ MSMEs, ໂດຍສະເພາະແມ່ນຫົວໜ່ວຍ MSMEs ທີ່ເຄື່ອນໄຫວໃນເຂດ ຊົນນະບົດເພື່ອໃຫ້ມີໂອກາດເຂົ້າເຖິງການບໍລິການສິນເຊື່ອເພື່ອນຳໄປພັດທະນາທຸລະກິດຂອງເຂົາເຈົ້າ ຫຼື ເຮັດກິດຈະກຳ ທີ່ສ້າງລາຍຮັບ. ເປົ້າໝາຍ MSMEs ແມ່ນລວມທັງຫົວໜ່ວຍ MSMEs ຜູ້ທີ່ໄດ້ຈົດທະບຽນແລ້ວ ແລະ ຜູ້ທີ່ຍັງບໍ່ທັນໄດ້ຈົດທະບຽນ ແຕ່ມີຈຸດປະສົງທີ່ຈະຈົດທະບຽນຢ່າງເປັນທາງການ. ກອງທຶນ LAFF ມີຄວາມມຸ່ງໝັ້ນ ທີ່ຈະໃຫ້ການສະໜັບສະໜູນການພັດທະນາ ການໃຫ້ບໍລິການສີນເຊື່ອຢ່າງມີຄວາມຍືນຍົງ ຂອງສະຖາບັນການເງິນ ໃຫ້ກັບຫົວໜ່ວຍ MSMEs ແລະ ສ້າງໂອກາດໃຫ້ຜູ້ທີ່ມີຄວາມຕ້ອງການກູ້ຢືມ ສາມາດເຂົ້າເຖິງການບໍລິການສີນເຊື່ອໄດ້, ພ້ອມກັນນີ້ ກອງທຶນ LAFF ມີຄວາມຕັ້ງໃຈ ສົ່ງເສີມການລົງທຶນຍົກລະດັບເຄື່ອງມືການຜະລິດຂອງ ຫົວໜ່ວຍ MSMEs ເພື່ອເປັນປັດໃຈສຳຄັນໃນການເພີ່ມທ່າແຮງ ໃນການແຂ່ງຂັນ ໃຫ້ແກ່ຂະແໜງການ MSMEs ຂອງ ສປປ ລາວ ເພື່ອໃຫ້ນຳທັນກັບຂະແໜງການ MSMEs ປະເທດຕ່າງໆ ໃນບັນດາປະຊາຄົມເສດຖະກິດອາຊຽນ (ASEAN Economic Community) ດ້ວຍການສົ່ງເສີມໃຫ້ມີການປ່ອຍກູ້ໄລຍະຍາວເພື່ອນຳໄປລົງທຶນຍົກລະດັບເຄື່ອງຈັກ ແລະ ເຄື່ອງມືອຸປະກອນໃນການຜະລິດຂອງ ບັນດາຫົວໜ່ວຍ MSMEs. ພ້ອມກັນນີ້ ກອງທຶນ LAFF ເອົາໃຈໃສ່ໃນເລື່ອງການກຳນົດຄ່າອັດຕາດອກເບ້ຍຢ່າງຍຸດຕິທຳ ແລະ ການປົກປ້ອງລູກຄ້າ. ສະນັ້ນ, ສຳລັບສະຖາບັນການເງິນທີ່ບັນລຸໄດ້ຕາມເງື່ອນໄຂພື້ນຖານເບື້ອງຕົ້ນແລ້ວ, ກອງທຶນ LAFF ຈະໃຫ້ບູລິມະສິດໃຫ້ກັບສະຖາບັນການເງິນ ທີ່ກຳນົດອັດຕາດອກເບ້ຍທີ່ເໝາະສົມ ໃນການປ່ອຍກູ້ໃຫ້ລູກຄ້າ ທີ່ຈະນຳໃຊ້ບ້ວງທຶນກູ້ ຢືມຈາກກອງທຶນ LAFF.

6. ເງື່ອນໄຂເງິນກູ້ຂອງກອງທຶນ LAFF

ເງື່ອນໄຂທຶນຂອງກອງທຶນ LAFF ແມ່ນເປັນທຶນເງິນກູ້ທີ່ບໍ່ມີຫຼັກຊັບຄ້ຳປະກັນ ແຕ່ມີເງື່ອນໄຂຄືດັ່ງທີ່ໄດ້ລະບຸໄວ້ໃນພາກນີ້, ລາຍລະອຽດກ່ຽວກັບເງື່ອນໄຂດັ່ງກ່າວທີ່ຈະໄດ້ຕົກລົງນຳກັນແມ່ນຈະໄດ້ມີການເຈລະຈານຳກັນກັບສະຖາບັນການເງິນທີ່ໄດ້ຖືກຄັດເລືອກ ພາຍຫຼັງທີ່ໄດ້ມີການປະເມີນສິນເຊື່ອ ແລະ ມີການກວດກາບັນດາເອກະສານຕ່າງໆສຳເລັດແລ້ວ. ທຶນເງິນກູ້ຈາກກອງທຶນ LAFF ແມ່ນສະໜອງໃຫ້ເປັນທຶນໜູນວຽນ, ສະຖາບັນການເງິນທີ່ໄດ້ຮັບທຶນ ແມ່ນສາມາດປ່ອຍກູ້ຕໍ່ ແລະ ປ່ອຍໜູນວຽນໃຫ້ແກ່ໃຫ້ແກ່ຫົວໜ່ວຍ MSMEs ໄດ້ຕາມເງື່ອນໄຂສຳລັບຫົວໜ່ວຍ MSMEs ກໍ່ຄືເງື່ອນໄຂ ຂອງເງິນກູ້ຍ່ອຍ.

ສັງລວມບັນດາເງື່ອນໄຂຕົ້ນຕໍຂອງທຶນເງິນກູ້ຈາກກອງທຶນ LAFF:
ປ່ອຍກູ້ໃຫ້ເປັນສະກຸນເງິນກີບ.
ກຳນົດເວລາ 06 ປີສຳລັບທະນາຄານທຸລະກິດ (ລະຫວ່າງ 4-6 ປີ ສຳລັບ ສກຈຮ).
ຊ່ວງພັກຊຳລະຕົ້ນທຶນ ແມ່ນ 1/3ຂອງກຳນົດໄລຍະເວລາເງິນກູ້ .
ການຊຳລະຕົ້ນທຶນແມ່ນ ຊຳລະເປັນສີ່ງວດໃນວົງເງິນທີ່ເທົ່າກັນ, ຈ່າຍໃນຕອນທ້າຍຂອງປີທີສາມຫາປີທີຫົກ.[2]
ອັດຕາດອກເບ້ຍ 7% ຕໍ່ປີ ສຳລັບທະນາຄານທຸລະກິດ ແລະ 8% ຕໍ່ປີ ສຳລັບ ສກຈຮ.
ການຈ່າຍດອກເບ້ຍແມ່ນຈ່າຍ ສອງຄັ້ງຕໍ່ປີ ແລະ ຈ່າຍດອກເບ້ຍ ທຸກໆ ວັນທີ 10 ພຶດສະພາ ແລະ ວັນທີ 10 ພະຈິກ ຂອງແຕ່ລະປີ.
ການຄິດໄລ່ດອກເບ້ຍແມ່ນຄິດໄລ່ຕາມຈຳນວນເງິນຕົ້ນທຶນທີ່ຍັງບໍ່ທັນໄດ້ຖືກຊຳລະ.
ບໍ່ມີຄ່າທຳນຽມໃດໆ, ແຕ່ຈະມີການປັບໄໝໃນກໍລະນີມີການຊຳລະຕົ້ນທຶນຊັກຊ້າ (ກຳນົດເວລາຊັກຊ້າແມ່ນເກີນ 5 ວັນລັດຖະການ)ໂດຍການເພີ່ມດອກເບ້ຍຂື້ນ 2% ຂອງເວລາທີ່ຊັກຊ້າ.
ບໍ່ມີການປັບໄໝໃນກໍລະນີຈ່າຍກ່ອນກຳນົດ.
ບໍ່ມີຫຼັກຊັບຄ້ຳປະກັນ.
ຕົ້ນທຶນເງິນກູ້ຈາກກອງທຶນ LAFF ທີ່ໄດ້ຖືກສົ່ງຄືນຈາກລູກຄ້າລາຍຍ່ອຍ ແມ່ນສາມາດປ່ອຍເປັນເງິນກູ້ຍ່ອຍໃຫ້ລູກຄ້າທີ່ເປັນຫົວໜ່ວຍ MSMEs ຕໍ່ໄປເລື້ອຍໆ ພາຍໃຕ້ເງື່ອນໄຂເງິນກູ້ຍ່ອຍ ຫຼື ເງື່ອນໄຂຂອງ MSMEs.
ນໍາໃຊ້ແບບຟອມການປະເມີນ ຜົນກະທົບທາງດ້ານສີ່ງແວດລ້ອມ ແລະ ສັງຄົມ ທີ່ກອງທຶນ ກໍານົດຢ່າງເຂັ້ມງວດ.

7. ເງື່ອນໄຂສຳລັບເງິນກູ້ຍ່ອຍ ທີ່ປ່ອຍໃຫ້ຫົວໜ່ວຍ MSMEs

ຫົວໜ່ວຍ MSMEs ທີ່ເປັນເປົ້າໝາຍຜູ້ກູ້ຢືມຍ່ອຍ ພາຍໃຕ້ທຶນຈາກກອງທຶນ LAFF ແມ່ນລວມທັງຫົວໜ່ວຍວິສາຫະກິດ ທີ່ຍັງບໍ່ທັນໄດ້ຈົດທະບຽນ ແລະ ຄົວເຮືອນທີ່ປະຕິບັດກິດຈະກຳທີ່ເປັນເສດຖະກິດ. ທຶນເງິນກູ້ຈາກກອງທຶນ LAFF ແມ່ນຈະຕ້ອງຖືກນຳໃຊ້ເພື່ອປ່ອຍກູ້ໃຫ້ແກ່ກິດຈະກຳທີ່ເປັນເສດຖະກິດ ຈັດຕັ້ງປະຕິບັດໂດຍຫົວໜ່ວຍ MSME ເພື່ອລົງທຶນສ່ວນຫຼາຍໃສ່ “ຊັບສິນຄົງທີ່” ຫຼື ການຂະຫຍາຍທຸລະກິດ[3] [4]. ທຶນເງິນກູ້ຈາກກອງທຶນ LAFF ແມ່ນສາມາດນຳໃຊ້ເຂົ້າໃນການລົງທຶນໃສ່ກິດຈະກໍາຂະແໜງການກະສິກຳ ລວມມີ ປູກຝັງ, ລ້ຽງສັດ, ການແປຮູບລະດັບຈຸນລະພາກ, ການຂົນສົ່ງສິນຄ້າກະສິກໍາ, ການເກັບຊື້ແລະຂາຍສິນຄ້າກະສິກໍາ, ແລະ ຂະແໜງອື່ນໆທີ່ຕິດພັນກັບຕ່ອງໂສ້ມູນຄ່າຂະແໜງກະສິກໍາ, ໄລຍະເວລາຂອງການກູ້ຢືມຍ່ອຍຈະຢູ່ໃນລະດັບຢ່າງໜ້ອຍ 12 ເດືອນ ໂດຍສະເລ່ຍ. ເງິນກູ້ຍ່ອຍແມ່ນສາມາດປ່ອຍໃຫ້ໄດ້ທົ່ວປະເທດ ຍົກເວັ້ນສະເພາະແຕ່ເຂດພື້ນທີ່ຂື້ນກັບສາມເມືອງຂອງນະຄອນຫຼວງວຽງຈັນ[5] ແລະ ມີໄລຍະປອດໜີ້ຕົ້ນທຶນ
ໜຶ່ງສ່ວນສາມ ຂອງກຳນົດເວລາເງິນກູ້ຍ່ອຍທີ່ ກ່ຽວຂ້ອງ, ອັດຕາດອກເບ້ຍເງິນກູ້ທີ່ປ່ອຍຕໍ່ໃຫ້ແກ່ຜູ້ກູ້ຢືມລາຍຍ່ອຍ ຈະຕ້ອງເປັນອັດຕາຕະຫຼາດ ແລະ ຖືກກຳນົດໂດຍສະຖາບັນການເງິນທີ່ເປັນຄູ່ຮ່ວມງານ ເຊິ່ງອີງຕາມນະໂຍບາຍການປ່ອຍກູ້ຂອງ ສະຖາບັນການເງິນທີ່ເປັນຄູ່ຮ່ວມງານເອງ, ສ່ວນຂະໜາດຂອງວົງເງິນກູ້ ຜູ້ກູ້ຢືມລາຍຍ່ອຍ ແຕ່ລະລາຍຈະຢູ່ໃນລະດັບສູງສຸດບໍ່ເກີນ 1,000,000,000 ກີບ (ໜຶ່ງຕື້ກີບ). ການປ່ອຍກູ້ໃຫ້ແກ່ຜູ້ປະກອບການທີ່ເປັນເພດຍິງຕ້ອງມີຢ່າງໜ້ອຍ 51% ຂອງຈຳນວນເງິນປ່ອຍກູ້ຍ່ອຍທັງໝົດ. ນອກຈາກນັ້ນ, ສະຖາບັນການເງິນຄູ່ຮ່ວມງານຕ້ອງເອົາເອົາໃຈໃສ່ຕໍ່ ບັນຫາດ້ານສິ່ງແວດລ້ອມ ແລະ ສັງຄົມ, ໃນນັ້ນ ຕ້ອງປ່ອຍສິນເຊື່ອໃຫ້ຜູ້ກູ້ຢືມລາຍຍ່ອຍ ທີ່ມີຄວາມສ່ຽງຕໍ່າ ດ້ານສິ່ງແວດລ້ອມ ແລະ ສັງຄົມ (ປະເພດ C ບໍ່ແມ່ນປະເພດ A ຫຼື B). ພ້ອມນັ້ນ, ສໍາລັບການສະໜອງສິນເຊື່ອໃຫ້ຜູ້ກູ້ຢືມລາຍຍ່ອຍ ທີ່ມີວົງເງິນອະນຸມັດເກີນ 10,000 ໂດລາສະຫະລັດ ຫຼື ທຽບເທົ່າ 200,000,000 ກີບ ຕ້ອງນໍາໃຊ້ແບບຟອມການປະເມີນ ຜົນກະທົບທາງດ້ານ ສີ່ງແວດລ້ອມ ແລະ ສັງຄົມ ຕາມທີ່ຜູ້ໃຫ້ທຶນກຳນົດໄວ້ ຢ່າງເຂັ້ມງວດ. ໃນກໍລະນີ ການປ່ອຍກູ້ຍ່ອຍນັ້ນຫາກເກີດມີຜົນກະທົບທາງດ້ານສີ່ງແວດລ້ອມ ແລະ ສັງຄົມ ຢ່າງຮ້າຍແຮງ ຕ້ອງລາຍງານໃຫ້ແກ່ ກອງທຶນ LAFF ຊາບໂດຍດ່ວນ ແລະ ບໍ່ອະນຸຍາດໃຫ້ປ່ອຍກູ້ໃຫ້ແກ່ບັນດາກິດຈະກຳທີ່ລະບຸໄວ້ໃນບັນຊີລາຍການກິດຈະກຳຍົກເວັ້ນຂອງໂຄງການກອງທຶນ LAFF[6], ສຸດທ້າຍ ແຕ່ເປັນສີ່ງທີ່ສຳຄັນຫຼາຍນັ້ນກໍ່ຄືວ່າ ເງິນກູ້ຍ່ອຍແມ່ນຈະຕ້ອງໄດ້ປະຕິບັດຕາມຫຼັກການຂອງການປົກປ້ອງລູກຄ້າ (Client Protection Principles)[7] ແລະ ດຳລັດວ່າດ້ວຍການປົກປ້ອງຜູ້ຊົມໃຊ້ການບໍລິການດ້ານການເງິນ.[8] ຂ້າງລຸ່ມນີ້ແມ່ນເປັນການສັງລວມເງື່ອນໄຂຕົ້ນຕໍສຳລັບເງິນກູ້ຍ່ອຍ:

ສັງລວມເງື່ອນໄຂຕົ້ນຕໍສຳລັບເງິນກູ້ຍ່ອຍສໍາລັບແຫຼ່ງທຶນຈາກ ADB:
ວົງເງິນປ່ອຍກູ້: ຕ່ຳສຸດ 2 ລ້ານກີບ ແລະ ສູງສຸດ 1 ຕື້ກີບ.
ອັດຕາດອກເບ້ຍ: ເປັນອັດຕາດອກເບ້ຍຕາມກົນໄກຕະຫຼາດ ໂດຍອີງຕາມນະໂຍບາຍສິນເຊື່ອຂອງ PFI.
ກຳນົດເວລາສະເລ່ຍ: ຢ່າງໜ້ອຍ 12 ເດືອນ ໂດຍສະເລ່ຍ.
ຊ່ວງພັກຊຳລະຕົ້ນທຶນ: ໜື່ງສ່ວນສາມຂອງກຳນົດໄລຍະເວລາເງິນກູ້.
ປ່ອຍກູ້ໃຫ້ແກ່ຂະແໜງກະສິກຳ ລວມມີ ປູກຝັງ, ລ້ຽງສັດ, ການແປຮູບລະດັບຈຸນລະພາກ, ການຂົນສົ່ງສິນຄ້າກະສິກໍາ, ການເກັບຊື້ແລະຂາຍສິນຄ້າກະສິກໍາ ແລະ ຂະແໜງອື່ນໆທີ່ຕິດພັນກັບຕ່ອງໂສ້ມູນຄ່າຂະແໜງກະສິກໍາ ເທົ່ານັ້ນ.
ການປ່ອຍກູ້ໃຫ້ແກ່ຜູ້ປະກອບການເພດຍິງຕ້ອງມີຢ່າງໜ້ອຍ 51% ຂອງຈຳນວນເງິນປ່ອຍກູ້ຍ່ອຍທັງໝົດ.
ຕ້ອງປ່ອຍສິນເຊື່ອໃຫ້ຜູ້ກູ້ຢືມລາຍຍ່ອຍ ທີ່ມີຄວາມສ່ຽງຕໍ່າ ດ້ານສິ່ງແວດລ້ອມ ແລະ ສັງຄົມ (ປະເພດ C ບໍ່ແມ່ນປະເພດ A ຫຼື B).
ວົງເງິນປ່ອຍກູ້ເກີນ 200,000,000 ກີບ ຕ້ອງນໍາໃຊ້ແບບຟອມການປະເມີນ ຜົນກະທົບທາງດ້ານສີ່ງແວດລ້ອມ ແລະ ສັງຄົມ ທີ່ກອງທຶນ ກໍານົດຢ່າງເຂັ້ມງວດ.

ນອກຈາກເງື່ອນໄຂຕ່າງໆທີ່ໄດ້ກ່າວມາຂ້າງເທິງນັ້ນແລ້ວ, PFIs ຈະຕ້ອງໄດ້ມີການອອກແບບ ວິທີການປ່ອຍກູ້ ແລະ ຜະລິດຕະພັນເງິນກູ້ ເພື່ອສົ່ງເສີມ MSMEs ລວມທັງຕາຕະລາງເວລາຂອງງວດຈ່າຍດອກເບ້ຍ ແລະ ຊຳລະຕົ້ນທຶນ ໂດຍສອດຄ່ອງກັບນະໂຍບາຍສິນເຊື່ອຂອງ PFIs ທີ່ມີໃນປະຈຸບັນ. ນອກຈາກນັ້ນ, ໃຫ້ມີການອອກແບບ ວິທີການປ່ອຍກູ້ ແລະ ຜະລິດຕະພັນເງິນກູ້ ເພື່ອເພດຍິງ ຍິ່ງເປັນການດີ.

8. ການສະໜອງການຊ່ວຍເຫຼືອດ້ານວິຊາການ

ກອງທຶນ LAFF ແມ່ນສາມາດສະໜອງການຊ່ວຍເຫຼືອດ້ານວິຊາການ (TA) ໄປຄຽງຄູ່ກັບການໃຫ້ທຶນເງິນກູ້ຈາກກອງທຶນ LAFF ໃນກໍລະນີທີ່ວ່າສະຖາບັນການເງິນທີ່ຖືກຄັດເລືອກຫາກມີຄວາມຕ້ອງການ ການຊ່ວຍເຫຼືອດ້ານວິຊາການ ເພື່ອສະໜັບສະໜູນໃຫ້ແກ່ເປົ້າໝາຍດ້ານຍຸດທະສາດ ຫຼື ເຮັດໃຫ້ສາມາດປະຕິບັດໄດ້ທຸກໆເງື່ອນໄຂຂອງໂຄງການກອງທຶນ LAFF. ສະຖາບັນການເງິນທີ່ສະເໜີຂໍທຶນ ລວມທັງທະນາຄານທຸລະກິດ ແລະ ສກຈຮ ແມ່ນສາມາດ ສະເໜີຂໍການຊ່ວຍເຫຼືອດ້ານວິຊາການ ໃນກໍລະນີ ສະຖາບັນການເງິນນັ້ນໆ ເຫັນວ່າຈະສາມາດປະຕິບັດໄດ້ທຸກໆເງື່ອນໄຂເຂົ້າຮ່ວມໂຄງການ ຖ້າຫາກວ່າໄດ້ຮັບການຊ່ວຍເຫຼືອດ້ານວິຊາການທີ່ພຽງພໍ. ລາຍລະອຽດກ່ຽວກັບການສະເໜີຂໍການຊ່ວຍເຫຼືອດ້ານວິຊາການແມ່ນມີໃນພາກຂ້າງລຸ່ມນີ້້.

II. ຂະບວນການ

1. ຄວາມເປັນມາຂອງໜັງສືສະແດງເຈດຈຳນົງ

ໂຄງສ້າງທີ່ຈະຕ້ອງໄດ້ປະຕິບັດສຳລັບໜັງສືສະແດງເຈດຈຳນົງ (EoI) ແມ່ນໄດ້ລະບຸໄວ້ໃນແບບຟອມສະເໜີຂໍທຶນເງິນກູ້ (EoI-application form) ທີ່ໄດ້ຕິດຄັດມານຳແຈ້ງການສະບັບນີ້ເປັນເອກະສານຊ້ອນທ້າຍ 1. ໜັງສືສະແດງເຈດຈຳນົງແມ່ນຈະຕ້ອງໄດ້ປະກອບດ້ວຍການອະທິບາຍຫຍໍ້ທີ່ເປັນພື້້ນຖານ (ຂະໜາດທີ່ແນະນຳ: ໜື່ງນ້າເຈ້ຍ A4) ກ່ຽວກັບວົງເງິນທີ່ສະເໜີຂໍທຶນ ແລະ ແຜນການນຳໃຊ້ທຶນດັ່ງກ່າວ, ລວມທັງແນວຄວາມຄິດດ້ານແຜນຍຸດທະສາດ ແລະ ແຜນຂອງອົງກອນ, ຈຳນວນ ແລະ ວົງເງິນກູ້ສະເລ່ຍສຳລັບເງິນກູ້ຍ່ອຍທີ່ຈະປ່ອຍໃຫ້ແກ່ຫົວໜ່ວຍ MSMEs ທີ່ເປັນເປົ້າໝາຍ, ຂະແໜງການທີ່ເປັນເປົ້າໝາຍ ແລະ ພື້ນທີ່ເປົ້າໝາຍ ແລະ ລັກສະນະຫຼັກໆຂອງຜະລິດຕະພັນເງິນກູ້ທີ່ວາງແຜນທີ່ປ່ອຍໃຫ້ MSMEs, ລວມທັງອັດຕາດອກເບ້ຍ ແລະ ຄ່າທຳນຽມຕ່າງໆ, ໄລຍະປ່ອຍກູ້ ແລະ ງວດຊຳລະຄືນ. ລາຍລະອຽດກ່ຽວກັບການສະເໜີຂໍການຊ່ວຍເຫຼືອດ້ານວິຊາການແມ່ນຈະຕ້ອງໄດ້ມີການອະທິບາຍຫຍໍ້ (ຂະໜາດແນະນຳ: ໜື່ງໜ້າເຈ້ຍ A4) ແລະ ຈະຕ້ອງໄດ້ມີການມີການອະທິບາຍກ່ຽວກັບຊ່ອງຫວ່າງດ້ານຄວາມຮູ້ ຫຼື ປະສົບການ ທີ່ຈະຕ້ອງການໃຫ້ຊ່ວຍເຫຼືອ ແລະ ຜົນໄດ້ຮັບທີ່ຄາດຫວັງໄວ້, ກັບຍຸດທະສາດການຕະຫຼາດເງິນກູ້ເພື່ອສົ່ງເສີມ MSMEs, ຕຳແໜ່ງ ແລະ ຈຳນວນຂອງພະນັກງານຂອງສະຖາບັນການເງິນທີ່ສະເໜີຂໍທຶນ ທີ່ຈະໄດ້ຮັບການຊ່ວຍເຫຼືອດ້ານວິຊາການ, ປະເພດ ແລະ ກຳນົດເວລາຂອງການຊ່ວຍເຫຼືອດ້ານວິຊາການທີ່ຈະສະເໜີຂໍ. ຖ້າເປັນໄປໄດ້, ການອະທິບາຍທັງສອງຢ່າງເທິງນີ້ແມ່ນຄວນມີການເຊື່ອມໂຍງກັນກັບແຜນຍຸດທະສາດ ແລະ ແຜນການດຳເນີນງານຂອງສະຖາບັນການເງິນນັ້ນໆ.

2. ເອກະສານທີ່ຕ້ອງການ

ແບບຟອມໃບສະເໜີຂໍທຶນທີ່ສົ່ງມານຳໜັງສືສະແດງເຈດຈຳນົງ ຄວນປະກອບມີເອກະສານຈຳນວນໜື່ງທີ່ຕ້ອງການໃນການປະເມີນກ່ຽວກັບຄວາມເຂັ້ມແຂງທາງດ້ານການເງິນ ແລະ ດ້ານການດຳເນີນງານ, ແນວທາງແຜນຍຸດທະສາດ, ມາດຕະຖານດ້ານສັງຄົມ ແລະ ສີ່ງແວດລ້ອມ. ຖ້າຫາກສະຖາບັນການເງິນໃດບໍ່ສາມາດສະໜອງຂໍ້ມູນ ຫຼື ສົ່ງເອກະສານດັ່ງກ່າວຄົບຖ້ວນໃຫ້ແກ່ໂຄງການ ອາດຈະເຮັດໃຫ້ໜັງສືສະແດງເຈດຈຳນົງຖືກປະຕິເສດ. ລາຍການເອກະສານທີ່ຕ້ອງການປະກອບມີດັ່ງລຸ່ມນີ້:

ຂໍ້ມູນດ້ານທຸລະກິດ/ການຈັດຕັ້ງພະນັກງານ

ໂຄງຮ່າງການຈັດຕັ້ງ

ເອກະສານດ້ານນິຕິກຳ

ໜັງສືອະນຸມັດການໃຫ້ກູ້ຢືມ ຈາກກົມກ່ຽວຂ້ອງຂອງ ທຫລ ທີ່ຄຸ້ມຄອງສະຖາບັນການເງິນນັ້ນ
ບົດລາຍງານສະບັບລ້າສຸດ ທີ່ໄດ້ສົ່ງໃຫ້ ທຫລ
ໃບອະນຸຍາດດຳເນີນທຸລະກິດ
ບົດບັນທຶກການຮ່ວມທຶນຂອງບັນດາຜູ້ຖືຮຸ້ນ

ແຜນທຸລະກິດ

ແຜນທຸລະກິດ ຫຼື ກິດຈະກຳທາງດ້ານທຸລະກິດທີ່ວາງແຜນໄວ້
ການຄາດຄະເນດ້ານການເງິນ 3-5 ຕໍ່ໜ້າ.

ຂໍ້ມູນດ້ານການເງິນ

ບົດລາຍງານຖານະການເງິນ ປະຈຳປີ ທີ່ໄດ້ຖືກກວດສອບແລ້ວ 3 ປີ ຍ້ອນຫຼັງ, ຖ້າບົດລາຍງານ ປີຫຼ້າສຸດ ບໍ່ທັນໄດ້ຮັບການກວດສອບ, ອາດນໍາໃຊ້ບົດລາຍງານຖານະການເງິນທີ່ສົ່ງໃຫ້ ທຫລ ໃນປີຫຼ້າສຸດແທນ;
ຍອດເງິນກູ້ທ້າຍປີ ປີຫຼ້າສຸດ (ຍອດເງິນກູ້ທີ່ກຳລັງເຄື່ອນໄຫວຢູ່, ຈຳນວນລູກຄ້າຜູ້ກູ້ຢືມ, PAR ສຳລັບ ສກຈຮ, NPL ສຳລັບ ທະນາຄານ) ຈັດແຍກຕາມສາຂາ ແລະ ຜະລິດຕະພັນ;
ຍອດເງິນກູ້ທັງໝົດໃນແຕ່ລະເດືອນຂອງປີ ຫຼ້າສຸດ (ຍອດເງິນກູ້ທີ່ກຳລັງເຄື່ອນໄຫວຢູ່, ຈຳນວນລູກຄ້າຜູ້ກູ້ຢືມ, PAR ສຳລັບ ສກຈຮ, NPL ສຳລັບ ທະນາຄານ);
ລາຍຊື່ສະບັນການເງິນທີ່ໄດ້ປ່ອຍເງິນກູ້ໃຫ້ (ເຊັ່ນວ່າ: ກອງທຶນບ້ານ ຫຼື ທະນາຄານບ້ານ, ຖ້າມີ);
ບົດລາຍງານລາຍລະອຽດກ່ຽວກັບເງິນກູ້ປັບໂຄງສ້າງ ແລະ ເງິນກູ້ປ່ອຍຄືນໃໝ່;
ລາຍລະອຽດຍອດເງິນກູ້ສຳລັບລູກຄ້າໜີ້ຊັກຊ້າ.

ແຫຼ່ງທຶນ ລວມທັງເງິນຝາກ

ເງິນຝາກຕາມແຕ່ລະຜະລິດຕະພັນ, ແຕ່ລະສະກຸນເງິນ, ກຳນົດເວລາ ແລະ ອັດຕາດອກເບ້ຍເງິນຝາກແຕ່ລະປະເພດ.
ຍອດເງິນຝາກລາຍໃຫຍ່ແຕ່ລະລາຍ ແຕ່ອັນດັບທີ 1 ຮອດ ອັນດັບທີ 15.
ຂໍ້ມູນກ່ຽວກັບສະຖາບັນ ຫຼື ອົງກອນອື່ນທີ່ໃຫ້ທຶນກູ້ຢືມ (ຊື່ອົງກອນ, ວັນທີ່ກູ້ຢືມ, ກຳນົດເວລາ, ອັດຕາດອກເບ້ຍ, ສະກຸນເງິນ, ຕາຕະລາງເວລາຂອງການຊຳລະ, ການຄ້ຳປະກັນ, ຄ່າທຳນຽມ).

ນະໂຍບາຍຕ່າງໆ

ຂໍ້ມູນກ່ຽວກັບຜະລິດຕະພັນເງິນກູ້ຫຼັກ, ກຳນົດເວລາ ແລະ ເງື່ອນໄຂຕ່າງໆ;
ນະໂຍບາຍສິນເຊື່ອ ແລະ ຂະບວນການ ການປ່ອຍກູ້ ລວມທັງລາຍລະອຽດກ່ຽວກັບການບໍລິຫານໜີຊັກຊ້າ ແລະ ຄູ່ມືການດຳເນີນງານ.

ນອກຈາກເອກະສານຂໍ້ມູນເທິງນີ້ແລ້ວ, ທາງໂຄງການອາດຈະຮຽກຮ້ອງຂໍ້ມູນເພີ່ມຕື່ມໃນເວລາທີ່ລົງປະເມີນຄວາມພ້ອມໃນການກູ້ຢືມ (due diligence), ທາງໂຄງການຈະແຈ້ງໃຫ້ຮູ້ລ່ວງໜ້າ ກ່ອນຈະລົງປະເມີນ.

3. ເງື່ອນໄຂເຂົ້າຮ່ວມໂຄງການ ສຳລັບ PFIs

ເງື່ອນໄຂ	ຕົວຊີ້ວັດ
1. ຄວາມສົນໃຈຫຼາຍ ໃນການປ່ອຍເງິນກູ້ ເພື່ອສົ່ງເສີມ MSME ເຊີ່ງເປັນເປົ້າໝາຍ ຂອງໂຄງການ (ວົງເງິນກູ້ຍ່ອຍບໍ່ເກີນ 1 ຕື້ກີບ)	ມີແຜນຍຸດທະສາດ ແລະ ແຜນທຸລະກິດ ຢ່າງຈະແຈ້ງ ທີ່ມີການສຸມໃສ່ ການປ່ອຍເງິນກູ້ໃຫ້ແກ່ MSME ເຊີ່ງເປັນເປົ້າໝາຍຂອງໂຄງການ (ວົງເງິນກູ້ຍ່ອຍບໍ່ເກີນ 1 ຕື້ກີບ).
	ມີຄວາມພ້ອມໃນການຮັບເອົາການສະໜັບສະໜູນ ເພື່ອປັບປຸງວິທີວິທະຍາຂອງ ການປ່ອຍກູ້ໃຫ້ແກ່ MSME ແລະ ປັບປຸງລະບົບການບໍລິຫານສິນເຊື່ອ (ລວມ ທັງນະໂຍບາຍ, ຂະບວນການ, ບົດແນະນຳ ແລະ ແບບຟອມຕ່າງໆ ທີ່ກ່ຽວຂ້ອງກັບການປ່ອຍກູ້), ຖ້າເຫັນວ່າຈຳເປັນ.
	ຮັບໄດ້ກ່ຽວກັບ ການລົງຕິດຕາມ ແລະ ການລົງກວດກາຢູ່ພາກສະໜາມ ຢ່າງເປັນ ປະຈຳ ໃນລະດັບຂັ້ນສະຖາບັນການເງິນ ແລະ ຂັ້ນລູກຄ້າ MSME ທີ່ກ່ຽວຂ້ອງ ໂດຍ ຫຼື ໃນນາມ ຜູ້ໃຫ້ທຶນ.
	ສະໜອງຂໍ້ມູນຢູ່ພາກສະໜາມກ່ຽວກັບເງິນກູ້ຍ່ອຍທີ່ປ່ອຍໃຫ້ແກ່ MSME ທີ່ລົງທຶນໂດຍທຶນຂອງກອງທຶນ LAFF ແລະ ສະຖານະດ້ານການເງິນຂອງ PFI ຢ່າງເປັນປົກກະຕິ
2. ປະສົບການ ແລະ ມີລະດັບຄວາມສາມາດໃນການປ່ອຍກູ້ຕໍ່	ມີປະສົບການໃນການປ່ອຍກູ້ໃຫ້ແກ່ MSMEs ໃນ ສປປ ລາວ ຢ່າງໜ້ອຍໜື່ງປີ.
2. ປະສົບການ ແລະ ມີລະດັບຄວາມສາມາດໃນການປ່ອຍກູ້ຕໍ່	ມີຄວາມສາມາດໃນການປ່ອຍກູ້ຕໍ່ອອກໄປໃນຈຳນວນເງິນ 15 ຕື້ກີບ ສຳລັບທະນາຄານ (0.5 ຕື້ກີບ ສຳລັບ ສກຈຮ) ໃຫ້ແກ່ MSMEs ພາຍໃນໄລຍະເວລາ ສອງ ປີ.
3. ສາມາດປະຕິບັດໄດ້ຕາມລະບຽບການ ດ້ານຄວາມໝັ້ນຄົງ	ໄດ້ຮັບໃບອະນຸຍາດຈາກ ທຫລ.
	ຮັບໄດ້ກ່ຽວກັບການລົງຕິດຕາມຢ່າງເປັນປະຈຳຂອງ ທຫລ.
	ສາມາດປະຕິບັດຕາມລະບຽບການດ້ານຄວາມໝັ້ນຄົງຂອງ ທຫລ.
	ສາມາດປະຕິບັດພັນທະດ້ານການກວດສອບພາຍນອກໄດ້.
	ສາມາດສະໜອງໄດ້ພັນທະດ້ານການລາຍງານ.
	ມີມາດຕະຖານການບັນຊີ ແລະ ຂະບວນການຄອບຄຸມພາຍໃນ ທີ່ສາມາດເຮັດໃຫ້ມີການຕິດຕາມໄດ້ທຶນເງິນກູ້ຈາກກອງທຶນ LAFF ແລະ ການນຳໃຊ້ທຶນດັ່ງກ່າວ.
4. ມີນະໂຍບາຍສິນເຊື່ອ ແລະ ການດຳເນີນງານດ້ານສິນເຊື່ອທີ່ເປັນມືອາຊີບ ແລະ ໂປ່ງໂສ	ມີວິທີວິທະຍາ ການປ່ອຍເງິນກູ້ ທີ່ມີປະສິດທິຜົນ.
	ມີຂະບວນການບໍລິຫານຄວາມສ່ຽງທີ່ເໝາະສົມ.
	ບໍ່ມີການຖົມຂຸມ ແລະ ມີການນຳໃຊ້ອັດຕາດອກເບ້ຍຕາມກົນໄກຕະລາດ.
	ອັດຕາສ່ວນໜີ້ຊັກຊ້າ ຫຼື NPL ຢູ່ໃນລະດັບບໍ່ເກີນ 5%.
	ອັດຕາສ່ວນຄວາມພຽງພໍຂອງທຶນ ຢ່າງໜ້ອຍ 10.5% ສຳລັບທະນາຄານທຸລະກິດ ແລະ 12% ສຳລັບ ສະຖາບັນການເງິນຈຸລະພາກທີ່ຮັບເງິນຝາກ.
	ລະດັບຜົນການປະຕິບັດງານສູງກວ່າລະດັບສະເລ່ຍຂອງຂະແໜງການ
5. ມີການປະຕິບັດງານການບໍລິການດ້ານການເງິນທີ່ມີຄວາມຮັບຜິດຊອບ	ມີນະໂຍບາຍຂອງສະຖາບັນກ່ຽວກັບການນຳໃຊ້ຫຼັກການ ການປົກປ້ອງລູກຄ້າ ແລະ ສອດຄ່ອງກັບຂໍ້ກຳນົດ ແລະ ກົດລະບຽບ ກ່ຽວກັບການປົກປ້ອງຜູ້ຊົມໃຊ້ການບໍລິການດ້ານການເງິນ.

4. ວັນທີປິດຮັບ ແລະ ວິທີການສົ່ງໜັງສືສະແດງເຈດຈຳນົງ

ວັນ ແລະ ເວລາ ປິດຮັບໜັງສືສະແດງເຈດຈຳນົງ (EoI) ແມ່ນ ວັນທີ 04 ກັນຍາ 2026, 16:00 ໂມງ ຕາມວັນ ເວລາຂອງ ທະນາຄານແຫ່ງ ສປປ ລາວ. ໜັງສືສະແດງເຈດຈຳນົງ ທີ່ໄດ້ຮັບຊ້າກ່ວາວັນເວລາກຳນົດໝາຍ ດັ່ງກ່າວ ແມ່ນຈະບໍ່ຖືກພິຈາລະ. ໜັງສືສະແດງເຈດຈຳນົງ ແລະ ເອກະສານທີ່ກ່ຽວຂ້ອງ ຈະຕ້ອງໄດ້ສົ່ງໃສ່ຊອງທີ່ປິດ ແລະ ຂຽນ ຫົວຂໍ້ໃສ່ວ່າ: “ໜັງສືສະແດງເຈດຈຳນົງ ເພື່ອຂໍທຶນຈາກກອງທຶນ LAFF ປີ 2026 ”, ສົ່ງໄປຕາມທີ່ຢູ່ຂ້າງລຸ່ມນີ້:

ກົມບໍລິການທະນາຄານ ທະນາຄານ ແຫ່ງ ສປປ ລາວ

ກອງທຶນສົ່ງເສີມການເຂົ້າເຖິງແຫຼ່ງທຶນ ໃນ ສປປ ລາວ (LAFF)

ຕູ້ ປນ 19, ຖະນົນ ຢອນເນັດ ນະຄອນຫຼວງວຽງຈັນ, ສປປ ລາວ

ທ່ານ ທ່ານ ນາງ ສ້ອຍສຸວັນ ສີບໍລິບູນ ແລະ ທ່ານ ນາງ ສຸກລາຕີ ບົວຄ່າສິດ

ໂທ: 020 22440559, 020 52892494.

ຫຼື ທ່ານສາມາດສົ່ງ ໝັງສືສະແດງເຈດຈຳນົງ ທາງ E-mail ໄດ້ຕາມທີ່ຢູ່: laff.laos@gmail.com (ຖ້າຟາຍເອກະສານໜັກເກີນຂະໜາດ, ທ່ານສາມາດແຍກສົ່ງໜັງສືສະແດງເຈດຈຳນົງ ແລະ ເອກະສານປະກອບ).

ຖານະດ້ານກົດໝາຍ

ການສະເໜີຂໍຈົດໝາຍສະແດງເຈດຈຳນົງໃນແມ່ນບໍ່ໄດ້ສ້າງເປັນພັນທະໃຫ້ແກ່ທະນາຄານແຫ່ງ ສປປ ລາວ, ລັດຖະບານ ສປປ ລາວ ຫຼື ທະນາຄານພັດທະນາອາຊີ (ADB), ລວມທັງດ້ານການເງິນ ແລະ ດ້ານອື່ນໆ ແລະ ຍັງບໍ່ໄດ້ຖືກພິຈາລະນາວ່າ ເປັນສັນຍາຜູກພັນທາງດ້ານກົດໝາຍ. ພາກສ່ວນຕ່າງໆທີ່ໄດ້ລະບຸໃນຂ້າງເທິງນັ້ນ ແມ່ນສະຫງວນສິດ ທີ່ຈະປະຕິເສດ ຈົດໝາຍສະແດງເຈດຈຳນົງໃດໜື່ງທີ່ສົ່ງມາ ໂດຍບໍ່ມີການຮ້ອງຟ້ອງຈາກຜູ້ສະເໜີຂໍທຶນ ສຳລັບການປະຕິເສດ. ແຕ່ເຖິງຢ່າງໃດກໍ່ຕາມ, ທີມງານບໍລິຫານຂອງກອງທຶນ LAFF ຈະພະຍາຍາມອະທິບາຍເຫດຜົນໃຫ້ແກ່ຜູ້ສະເໜີຂໍທຶນ ທີ່ບໍ່ໄດ້ຮັບການຄັດເລືອກຕາມຄວາມເໝາະສົມ ແລະ ເພື່ອຊ່ວຍໃຫ້ຜູ້ສະເໜີຂໍທຶນທີ່ບໍ່ໄດ້ຖືກຄັດເລືອກເອົາເປັນບົດຮຽນ ໃນການສະເໜີຂໍ ທຶນຈາກກອງທຶນ LAFF ໃນຊຸດຕໍ່ໄປ. ທະນາຄານແຫ່ງ ສປປ ລາວ ແລະ ພາກສ່ວນທີ່ກ່ຽວຂ້ອງທີ່ມີສ່ວນຮ່ວມໃນ (ດ້ານການ ຊ່ວຍດ້ານວິຊາການ) ແລະ ທີມງານບໍລິຫານກອງທຶນ LAFF ຈະເກັບຮັກສາແບບຟອມສະເໜີຂອງທຶນ ເປັນຄວາມລັບທີ່ສຸດ ແລະ ຈະນຳໃຊ້ຂໍ້ມູນທີ່ໄດ້ຮັບພຽງແຕ່ເຂົ້າໃນເປົ້າໝາຍ ເພື່ອການຄັດເລືອກຕາມເງື່ອນໄຂໄດ້ຮັບທຶນ ແລະ ການຊ່ວຍເຫຼືອດ້ານວິຊາການ ຈາກກອງທຶນ LAFF.

ເອກະສານຊ້ອນທ້າຍ 1: ແບບຟອມໜັງສືສະເໜີເຈດຈຳນົງ

ເອກະສານຊ້ອນທ້າຍ 1 ທີ່ຕິດຄັດມາພ້ອມກັບການສະເໜີຂໍຈົດໝາຍສະແດງເຈດຈຳນົງ 2026 ຂອງກອງທຶນສົ່ງເສີມການເຂົ້າເຖິງແຫຼ່ງທຶນ ໃນ ສປປ ລາວ (LAFF) ໃບສະເໜີຂໍທຶນ
ກະລຸນາຮັບປະກັນວ່າ ຂໍ້ມູນຂ່າວສານທີ່ຕ້ອງການແມ່ນໄດ້ຖືກຕື່ມໃສ່ຢ່າງຄົບຖ້ວນ ແລະ ເອກະສານທີ່ຕ້ອງການ ແມ່ນໄດ້ຖືກສົ່ງມາ ພ້ອມ ໃນເວລາທີ່ທ່ານສົ່ງໜັງສືສະແດງເຈດຈຳນົງ.
ພາກທີ 1: ອົງການຈັດຕັ້ງ ແລະ ທີ່ຢູ່ຕິດຕໍ່
1.1 ຊື່ເຕັມ
1.2. ທີ່ຢູ່ຕິດຕໍ່
1.3 ລາຍລະອຽດ ກ່ຽວກັບການຂື້ນທະບຽນ ແລະ ໃບອະນຸຍາດ	ປະເພດ	ເລກທີ, ອອກໃຫ້ວັນທີ, ອົງກອນລັດທີ່ອອກໃຫ້
	1.3.1 ການຈົດທະບຽນດຳເນີນທຸລະກິດ
	1.3.2 ໃບອະນຸ ຍາດ ຈາກ ທຫລ
	1.3.3 ທະບຽນອາກອນ
ຕົວແທນຂອງບໍລິສັດທີ່ຖືກຕ້ອງຕາມກົດໝາຍ
1.4 ລາຍລະອຽດ ກ່ຽວກັບການຕິດຕໍ່ ຂອງຜູ້ທີ່ເປັນຕົວແທນຂອງສະຖາບັນການເງິນ (ເຊັ່ນວ່າ: ບຸກຄົນຜູ້ທີ່ຈົດທະ ບຽນໃນນາມສະຖາ ບັນການເງິນ ແລະ ອຳນາດໃນການເປັນຜູ້ຕາງໜ້າ ຫຼື ລົງລາຍເຊັນໃນນາມ ສະຖາບັນການເງິນ)	1.4.1 ຊື່ ແລະ ນາມສະກຸນ ແລະ ຕຳແໜ່ງ
	1.4.2 ເບີໂທລະສັບ ຫ້ອງການ
	1.4.3 ເບີໂທລະສັບ ມືຖື
	1.4.4 ທີ່ຢູ່ອີເມວ ຫ້ອງການ
	1.4.5 ທີ່ຢູ່ຫ້ອງການ
	1.4.6 ຕູ້ ປນ
ການຕິດຕໍ່ບຸກຄົນຜູ້ທີ່ຮັບຜິດຊອບກ່ຽວກັບໜັງສືສະແດງເຈດຈຳນົງຂໍທຶນ
1.5. ລາຍລະອຽດ ກ່ຽວກັບການຕິດຕໍ່ ຂອງຕົວແທນສະຖາ ບັນການເງິນ ຫຼື ພະນັກງານ ຜູ້ບໍລິຫານໜັງສືສະແດງ ເຈດຈຳນົງ.	1.5.1 ຊື່ ແລະ ນາມສະກຸນ ແລະ ຕຳແໜ່ງ
	1.5.2 ເບີໂທລະສັບ ມືຖື
	1.5.3 ທີ່ຢູ່ອີເມວ
1.6 ບັນຊີລາຍຊື່ ແຂວງ ແລະ ເມືອງ ທີ່ອົງກອນຂອງທ່ານ ອະນຸຍາດໃຫ້ເຮັດວຽກ ແລະ ມີສາຂາ ຫຼື ໜ່ວຍບໍລິການ ເພື່ອປ່ອຍກູ້ໃຫ້ແກ່ MSMEs	1.6.1 ແຂວງ		1.6.2 ເມືອງ

ພາກທີ 2: ການສະເໜີຂໍທຶນຈາກກອງທຶນ LAFF
2.1 ການ ສະເໜີຂໍ ທຶນ ຈາກກອງທຶນ LAFF ໃນເທື່ອນີ້		ວົງເງິນລວມ ທີ່ສະເໜີຂໍໃນງວດນີ້ (ລ້ານ ກີບ).
2.2 ຄວາມສົນໃຈຂໍທຶນຈາກກອງທຶນ LAFF ສຳລັບງວດໜ້າ		ຄາດຄະເນຄວາມສົນໃຈຂໍທຶນຈາກກອງທຶນ LAFF ເພື່ອມາເປັນທຶນເພີ່ມເຕີມ ສຳລັບງວດໜ້າ (ລ້ານກີບ).
2.3 Project background ຫຼື ເຫດຜົນ About ການຂໍທຶນ ຈາກກອງ ທຶນ LAFF		ພວກເຮົາໄດ້ອະທິບາຍກ່ຽວກັບຄວາມເປັນມາ ຫຼື ເຫດຜົນຂອງການສະເໜີຂໍທຶນຈາກກອງທຶນ LAFF ພາຍໃຕ້ການສະແດງເຈດຈຳນົງເທື່ອນີ້ ໃນໜື່ງໜ້າເຈ້ຍ -A4, ລວມທັງແຜນການນຳໃຊ້ທຶນ (ເບີ່ງໃນ: ພາກ ຂ ຍໍ້ໜ້າທີ 1 ຂອງໜັງສືສະແດງເຈດຈຳນົງ). ຄວນຕອບຄຳຖາມດ້ວຍຄຳວ່າ ແມ່ນ ຫຼື ບໍ່ແມ່ນ; ຖ້າຫາກວ່າຄຳຕອບວ່າ “ບໍ່” ອາດກ້າວໄປສູ່ການບໍ່ມີເງື່ອນໄດ້ຮັບທຶນ.
ພາກທີ 3: ການສະເໜີຂໍການຊ່ວຍເຫຼືອດ້ານວິຊາການ
3. ການ ສະເໜີຂໍການຊ່ວຍເຫຼືອດ້ານວິຊາການ	3.1. ພວກເຮົາສະເໜີຂໍການຊ່ວຍເຫຼືອດ້ານວິຊາການ (ຄຳຕອບ: ຂໍ/ບໍ່ຂໍ)
	3.2 ພວກເຮົາໄດ້ອະທິບາຍກ່ຽວກັບຄວາມເປັນມາ ຫຼື ເຫດຜົນ ການຂໍການຊ່ວຍເຫຼືອດ້ານວິຊາການ (ເບີ່ງໃນ: ພາກ ຂ. ຍໍ້ໜ້າທີ 1 ຂອງໜັງສືສະເໜີຂໍຈົດໝາຍສະແດງເຈດຈຳນົງ). ຄຳຕອບ ຂໍ/ບໍ່ຂໍ
	ພວກເຮົາສະເໜີຂໍການປະເມີນຄວາມຕອງການ ກ່ຽວກັບການຊ່ວຍເຫຼືອດ້ານວິຊາການ ເພີ່ມເຕີມ ເພື່ອສ້າງເປັນແຜນການຊ່ວຍເຫຼືອດ້ານວິຊາການແບບຄົບຊຸດ (ຄຳຕອບ: ຂໍ/ບໍ່ຂໍ).

ພາກທີ 4: ເງື່ອນໄຂໄດ້ຮັບທຶນ ກະລຸນາຊີ້ແຈງ ວ່າແມ່ນ ຫຼື ບໍ່ແມ່ນ ຫຼື ຕື່ມເປັນຕົວເລກ ທີ່ສອດຄ່ອງກັບສະຖາບັນການເງິນຂອງທ່ານ, ຖ້າທ່ານເຫັນວ່າຈຳເປັນ ກະລຸນາອະທິບາຍເພີ່ມເຕີມ ໂດຍເພີ່ມເປັນເອກະສານຕິດຄັດມາພ້ອມ.
ເງື່ອນໄຂໄດ້ຮັບທຶນ	ຕົວຊີ້ວັດ	ແມ່ນ/ບໍ່ແມ່ນ ຫຼື ໃສ່ເປັນຕົວ ເລກ
ຄວາມສົນໃຈຫຼາຍ ໃນການປ່ອຍເງິນກູ້ ເພື່ອສົ່ງເສີມ MSME ເຊີ່ງເປັນເປົ້າໝາຍ ຂອງໂຄງການ (ວົງເງິນກູ້ຍ່ອຍບໍ່ເກີນ 1 ຕື້ກີບ)	ມີແຜນຍຸດທະສາດ ແລະ ແຜນທຸລະກິດ ຢ່າງຈະແຈ້ງ ທີ່ມີການສຸມໃສ່ ການປ່ອຍເງິນກູ້ໃຫ້ແກ່ MSME ເຊີ່ງເປັນເປົ້າໝາຍຂອງໂຄງການ (ວົງເງິນກູ້ຍ່ອຍບໍ່ເກີນ 1 ຕື້ກີບ).
	ມີຄວາມພ້ອມໃນການຮັບເອົາການສະໜັບສະໜູນ ເພື່ອປັບປຸງວິທີວິທະຍາຂອງ ການ ປ່ອຍກູ້ໃຫ້ແກ່ MSME ແລະ ປັບປຸງລະບົບການບໍລິຫານສິນເຊື່ອ (ລວມທັງນະໂຍບາຍ, ຂະບວນການ, ບົດແນະນຳ ແລະ ແບບຟອມຕ່າງໆ ທີ່ກ່ຽວຂ້ອງກັບການປ່ອຍກູ້), ຖ້າເຫັນວ່າຈຳເປັນ
	ຮັບໄດ້ກ່ຽວກັບການລົງຕິດຕາມ ແລະ ການລົງກວດກາຢູ່ພາກສະໜາມ ຢ່າງເປັນປະຈຳ ໃນລະດັບຂັ້ນສະຖາບັນການເງິນ ແລະ ຂັ້ນລູກຄ້າ MSME ທີ່ກ່ຽວຂ້ອງ ໂດຍ ຫຼື ໃນນາມ ຜູ້ໃຫ້ທຶນ.
	ສະໜອງຂໍ້ມູນຢູ່ພາກສະໜາມກ່ຽວກັບເງິນກູ້ຍ່ອຍທີ່ປ່ອຍໃຫ້ແກ່ MSME ທີ່ລົງທຶນໂດຍທຶນຂອງກອງທຶນ LAFF ແລະ ສະຖານະດ້ານການເງິນຂອງ PFI ຢ່າງເປັນປົກກະຕິ
ປະສົບການ ແລະ ມີລະດັບຄວາມສາມາດໃນການປ່ອຍກູ້ຕໍ່	1. ມີປະສົບການໃນການປ່ອຍກູ້ໃຫ້ MSMEs ໃນ ສປປ ລາວ ຢ່າງໜ້ອຍໜື່ງປີ.
ປະສົບການ ແລະ ມີລະດັບຄວາມສາມາດໃນການປ່ອຍກູ້ຕໍ່	2. ມີຄວາມສາມາດໃນການປ່ອຍກູ້ອອກໄປໃນຈຳນວນ 15 ຕື້ກີບ ສຳລັບທະນາຄານ (0.5 ຕື້ກີບ ສຳລັບ ສກຈຮ) ໃຫ້ແກ່ MSMEs ພາຍໃນໄລຍະເວລາ ສອງ ປີ.
ສາມາດປະຕິບັດໄດ້ຕາມລະບຽບການ ດ້ານຄວາມໝັ້ນຄົງ	ໄດ້ຮັບໃບອະນຸຍາດຈາກ ທຫລ.
	ຮັບໄດ້ກ່ຽວກັບການລົງຕິດຕາມຢ່າງເປັນປະຈຳຂອງ ທຫລ
	ສາມາດປະຕິບັດຕາມລະບຽບການດ້ານຄວາມໝັ້ນຄົງຂອງ ທຫລ
	ສາມາດປະຕິບັດພັນທະດ້ານການກວດສອບພາຍນອກໄດ້.
	ສາມາດສະໜອງໄດ້ພັນທະດ້ານການລາຍງານ.
	ມີມາດຕະຖານການບັນຊີ ແລະ ຂະບວນການຄອບຄຸມພາຍໃນ ທີ່ສາມາດເຮັດໃຫ້ມີການຕິດຕາມໄດ້ທຶນເງິນກູ້ຈາກກອງທຶນ LAFF ແລະ ການນຳໃຊ້ທຶນດັ່ງກ່າວ.
ມີນະໂຍບາຍສິນເຊື່ອ ແລະ ການດຳເນີນງານດ້ານສິນເຊື່ອທີ່ເປັນມືອາຊີບ ແລະ ໂປ່ງໂສ	ມີວິທີວິທະຍາ ການປ່ອຍເງິນກູ້ ທີ່ມີປະສິດ ທິຜົນ.
	ມີຂະບວນການບໍລິຫານຄວາມສ່ຽງທີ່ເໝາະສົມ.
	ບໍ່ມີການຖົມຂຸມ ແລະ ມີການນຳໃຊ້ອັດຕາດອກເບ້ຍຕາມກົນໄກຕະລາດ.
	ອັດຕາສ່ວນໜີ້ຊັກຊ້າ ຫຼື NPL ຢູ່ໃນລະດັບບໍ່ເກີນ 5%.
	ອັດຕາສ່ວນຄວາມພຽງພໍຂອງທຶນ ຢ່າງໜ້ອຍ 10.5% ສຳລັບທະນາຄານທຸລະກິດ ຫຼື 12% ສຳລັບ ສກຈຮ.
	ລະດັບຜົນການປະຕິບັດງານສູງກວ່າລະດັບສະເລ່ຍຂອງຂະແໜງການ.
ມີການປະຕິບັດງານການບໍລິການດ້ານການເງິນທີ່ມີຄວາມຮັບຜິດຊອບ	ນະໂຍບາຍຂອງສະຖາບັນກ່ຽວກັບການນຳໃຊ້ຫຼັກການ ການປົກປ້ອງລູກຄ້າ ແລະ ສອດຄ່ອງກັບຂໍ້ກຳນົດ ແລະ ກົດລະບຽບ ກ່ຽວກັບການປົກປ້ອງຜູ້ຊົມໃຊ້ການບໍລິການດ້ານການເງິນ.

ພາກທີ 5: ພາບລວມກ່ຽວກັບການສະໜັບສະໜູນດ້ານວິຊາການ ແລະ/ ຫຼື ດ້ານການເງິນ ຈາກອົງການຈັດຕັ້ງ ສາກົນ ແລະ/ຫຼື ອົງກອນຜູ້ໃຫ້ທຶນ, ລັດຖະບານ ຫຼື ແຫຼ່ງທຶນຈາກພາຍນອກອື່ນໆ ລວມທັງ ສະຖາບັນການເງິນ ສາກົນ. ກະລຸນາໃຫ້ລາຍລະອຽດກ່ຽວກັບພາບລວມຂອງການສະໜັບສະໜູນທີ່ມີໃນປະຈຸບັນ ດັ່ງກ່າວ ຖ້າມີ:
ອົງກອນ	ປະເພດຂອງການສະໜັບສະໜູນ ແລະ ຊັບພະຍາ ກອນມະນຸດ ແລະ ຊັບພະຍາກອນດ້ານການ ເງິນທີ່ກ່ຽວຂ້ອງ	ວັນທີເລີ່ມຕົ້ນ ແລະ ວັນທີສີ້ນສຸດ ການສະໜັບສະໜູນ

ພາກທີ 6: ພາບລວມ ກ່ຽວກັບເອກະສານ ແລະ ຂໍ້ມູນຂ່າວສານ ທີ່ຕ້ອງສົ່ງໃຫ້ກອງທຶນ.
ຫົວຂໍ້	ສະໜອງໃຫ້ໃນຮູບແບບ – ທີເປັນບ່ອນອີງ	ແມ່ນ/ບໍ່ແມ່ນ
Project background ຫຼື ເຫດຜົນ ທີ່ສະເໜີຂໍທຶນ ຈາກກອງທຶນ LAFF (ເບີ່ງໃນ: ພາກທີ 2 ຂອງແບບຟອມນີ້)	ຂຽນເພີ່ມເຕີມ (ໜື່ງໜ້າເຈ້ຍ A4)
Project background ຫຼື ເຫດຜົນສະເໜີຂໍ ການຊ່ວຍເຫຼືອດ້ານວິຊາການຈາກກອງທຶນ LAFF (ເບີ່ງໃນ: ພາກທີ 3 ຂອງແບບຟອມນີ້)	ຂຽນເພີ່ມເຕີມ (ໜື່ງໜ້າເຈ້ຍ A4)
ເງື່ອນໄຂໄດ້ຮັບທຶນ (ເບີ່ງໃນ: ພາກທີ 4 ຂອງແບບຟອມນີ້)	ການກວດກາ: ໃຫ້ໃສ່ວ່າ “ແມ່ນ”, ບໍ່ໃສ່ຕົວເລກ, ຖ້າເຫັນວ່າຈຳເປັນ ກະລຸນາອະທິບາຍເພີ່ມເຕີມ ໃສ່ໜ້າເຈ້ຍຕ່າງຫາກ
ເອກະສານທີ່ຕ້ອງການ (ເບີ່ງໃນ: ໜັງສືສະແດງເຈດຈຳນົງ)

ພາກທີ 7: ການຢັ້ງຢືນ
ຂ້າພະເຈົ້າ, ທີ່ລົງລາຍເຊັນຂ້າງລຸ່ມນີ້, ຢັ້ງຢືນວ່າ ຂໍ້ມູນຂ່າວສານ ທີ່ໄດ້ປະກອບໃຫ້ໃນແບບຟອມສະບັບນີ້ ແມ່ນຖືກຕ້ອງ ແລະ ຄົບ ຖ້ວນ. ຂ້າພະເຈົ້າຮັບຮູ້ວ່າ ການສະໜອງຂໍ້ມູນຂ່າວສານທີ່ບໍ່ຄົບຖ້ວນ ແລະ ບໍ່ຖືກຕ້ອງ ແມ່ນຈະເຮັດໃຫ້ ສະຖາບັນຂອງຂ້າພະເຈົ້າ ບໍ່ສາມາດໄດ້ຮັບທືນ ແລະ ການຊ່ວຍເຫຼືອດ້ານວິຊາການ ຈາກກອງທຶນ LAFF ທັງໃນປະຈຸບັນ ແລະ ໃນອະນາຄົດ. ລົງລາຍເຊັນ
ຊື່ ແລະ ນາມສະກຸນ ຜູ້ລົງລາຍເຊັນ		ຈ້ຳກາຂອງສະຖາບັນການເງິນ
ຕຳແໜ່ງໃນ ສະຖາບັນ ການເງິນ
ວັນທີ
ວັນທີ ແລະ ເວລາ ປິດສົ່ງຈົດໝາຍສະແດງເຈດຈຳນົງ (EoI) ແມ່ນ ວັນທີ 04 ກັນຍາ 2026, ເວລາ 16:00 ຕາມວັນເວລາຂອງທະນາຄານແຫ່ງ ສປປ ລາວ. ຈົດໝາຍສະແດງເຈດຈຳນົງ ທີ່ໄດ້ຮັບຊ້າກວ່າວັນກຳນົດ ໝາຍດັ່ງກ່າວ ແມ່ນຈະບໍ່ໄດ້ຖືກພິຈາລະນາ. ໜັງສືສະແດງເຈດຈຳນົງ ແລະ ເອກະສານທີ່ກ່ຽວຂ້ອງ ຈະຕ້ອງໄດ້ສົ່ງໃສ່ຊອງທີ່ປິດ ແລະ ຂຽນຫົວຂໍ້ໃສ່ວ່າ “*ຈົດໝາຍສະແດງເຈດຈຳນົງ* *ເພື່ອຂໍທຶນຈາກກອງທຶນ* LAFF ປີ 2026”, ສົ່ງໄປຕາມທີ່ຢູ່ ຂ້າງລຸ່ມນີ້: ກົມບໍລິການທະນາຄານ, ທະນາຄານ ແຫ່ງ ສປປ ລາວ ກອງທຶນສົ່ງເສີມການເຂົ້າຫາແຫຼ່ງທຶນ ໃນ ສປປ ລາວ (LAFF) ຕູ້ ປນ 19, ຖະນົນ ຢອນເນ ນະຄອນຫຼວງວຽງຈັນ, ສປປ ລາວ ສົ່ງ: ທ່ານ ນ ສ້ອຍສຸວັນ ສີບໍລິບູນ; ທ່ານ ນ ສຸກລາຕີ ບົວຄ່າສິດ ໂທ: 02022440559; 02052892494

[1] ຂໍ້ຕົກລົງວ່າດ້ວຍການແຕ່ງຕັ້ງຄະນະຮັບຜິດຊອບຄຸ້ມຄອງ LAFF No. 108/BoL, 11/02/2020.

[2] ງວດຊຳລະເທົ່າກັນສອງງວດ ໃນຕອນທ້າຍຂອງປີທີສາມ ແລະ ທີສີ່ ໃນກໍລະນກຳນົດເວລາເງິນກູ້ສີ່ປີ ສຳລັບ ສກຈຮ ແລະ ຄ້າຍໆຄືກັນຄືວ່າ ງວດຊຳລະເທົ່າກັນສາມງວດໃນຕອນທ້າຍຂອງປີທີສາມ ຫາປີທີຫ້າ ໃນກໍລະນີກຳນົດເວລາເງິນກູ້ຫ້າປີ ສຳລັບ ສກຈຮ.

[3] ກິດຈະກຳທີ່ເປັນເສດຖະກິດ ແມ່ນເປັນກິດຈະກຳທີ່ສ້າງລາຍຮັບໃຫ້ແກ່ຄົວເຮືອນ ນອກຈາກການບໍລິໂພກພາຍໃນຄົວເຮືອນ.

[4] ຊັບສິນຄົງທີ່ ໝາຍເຖິງຊັບສິນທີ່ສືບຕໍ່ສ້າງມູນຄ່າໃຫ້ແກ່ຂະບວນການຜະລິດ ຫຼາຍກວ່າຮອບວຽນການຜະລິດໜື່ງ; ໃນກໍລະນີຂອງ MSMEs ຄຳວ່າ “ຊັບສິນຄົງທີ່” ສ່ວນຫຼາຍຈະບໍ່ແມ່ນຊັບສິນທີ່ມີມູນຄ່າດ້ານການເງິນຕ່ຳ ແລະ ອາຍຸການດ້ານເສດຖະກິດທີ່ສັ້ນ; ຍ້ອນແນວນັ້ນ, ການລົງທຶນຂອງ MSMEs ບາງຄັ້ງກໍ່ມີຄວາມຫຍຸ້ງຍາກໃນການຈຳແນກ ລະຫວ່າງ “ທຶນໝູນວຽນ” ແລະ ບໍ່ໄດ້ແຍກອອກຈາກໃບສະເໜີຂໍເງິນກູ້ ທີ່ໄດ້ຮັບການອະນຸມັດ.

[5] ສາມເມືອງ: ເມືອງຈັນທະບຸລີ (ລະຫັດເມືອງ 0101); ເມືອງໄຊເສດຖາ (ລະຫັດເມືອງ 0103); ເມືອງສີສັດຕະນາກ (ລະຫັດເມືອງ 0104).

[6] ບັນຊີລາຍການກິດຈະຍົກເວັ້ນ ເຊີ່ງບໍລວມເອົາກິດຈະກຳທີ່ເປັນເສດຖະກິດ ແຕ່ມີຄວາມເປັນອັນຕະລາຍສູງ. ລາຍລະອຽດເບີ່ງໃນເອກະສານຊ້ອນທ້າຍ 2.

[7] ຫຼັກການປົກປ້ອງລູກຄ້າຂອງ SMART-campaign: https://www.smartcampaign.org/about/smart-microfinance-and-the-client-protection-principles. ສະຖາບັນທີ່ສະເໜີຂໍທຶນແມ່ນລະດົມໃຫ້ລະບຸໃສ່ໃນໜັງສືສະແດງເຈດຈຳນົງ ເຖິງແມ່ນວ່າຈະຄິດວ່າຕົນເອງບໍ່ໄດ້ປະຕິບັດໄດ້ຢ່າງເຕັມສ່ວນກໍ່ຕາມກ່ຽວກັບຫຼັກການປົກປ້ອງລູກຄ້າ.

[8] GoL/225, 06/04/2020.ໜັງສືສະເໜີຂໍຈົດໝາຍສະແດງເຈດຈຳນົງ (EoI)

I. ເນື້ອໃນ

1. ສະພາບລວມ

2. ຈຸດປະສົງ ແລະ ວິທີການ ຂອງກອງທຶນ

3. ການຄຸ້ມຄອງບໍລິຫານກອງທຶນ

4. ການອອກປະກາດແຈ້ງການ

5. ເປົ້າໝາຍການພັດທະນາຕະຫຼາດ (Market-development targets)

6. ເງື່ອນໄຂເງິນກູ້ຂອງກອງທຶນ LAFF

ສັງລວມບັນດາເງື່ອນໄຂຕົ້ນຕໍຂອງທຶນເງິນກູ້ຈາກກອງທຶນ LAFF:
ປ່ອຍກູ້ໃຫ້ເປັນສະກຸນເງິນກີບ.
ກຳນົດເວລາ 06 ປີສຳລັບທະນາຄານທຸລະກິດ (ລະຫວ່າງ 4-6 ປີ ສຳລັບ ສກຈຮ).
ຊ່ວງພັກຊຳລະຕົ້ນທຶນ ແມ່ນ 1/3ຂອງກຳນົດໄລຍະເວລາເງິນກູ້ .
ການຊຳລະຕົ້ນທຶນແມ່ນ ຊຳລະເປັນສີ່ງວດໃນວົງເງິນທີ່ເທົ່າກັນ, ຈ່າຍໃນຕອນທ້າຍຂອງປີທີສາມຫາປີທີຫົກ.[2]
ອັດຕາດອກເບ້ຍ 7% ຕໍ່ປີ ສຳລັບທະນາຄານທຸລະກິດ ແລະ 8% ຕໍ່ປີ ສຳລັບ ສກຈຮ.
ການຈ່າຍດອກເບ້ຍແມ່ນຈ່າຍ ສອງຄັ້ງຕໍ່ປີ ແລະ ຈ່າຍດອກເບ້ຍ ທຸກໆ ວັນທີ 10 ພຶດສະພາ ແລະ ວັນທີ 10 ພະຈິກ ຂອງແຕ່ລະປີ.
ການຄິດໄລ່ດອກເບ້ຍແມ່ນຄິດໄລ່ຕາມຈຳນວນເງິນຕົ້ນທຶນທີ່ຍັງບໍ່ທັນໄດ້ຖືກຊຳລະ.
ບໍ່ມີຄ່າທຳນຽມໃດໆ, ແຕ່ຈະມີການປັບໄໝໃນກໍລະນີມີການຊຳລະຕົ້ນທຶນຊັກຊ້າ (ກຳນົດເວລາຊັກຊ້າແມ່ນເກີນ 5 ວັນລັດຖະການ)ໂດຍການເພີ່ມດອກເບ້ຍຂື້ນ 2% ຂອງເວລາທີ່ຊັກຊ້າ.
ບໍ່ມີການປັບໄໝໃນກໍລະນີຈ່າຍກ່ອນກຳນົດ.
ບໍ່ມີຫຼັກຊັບຄ້ຳປະກັນ.
ຕົ້ນທຶນເງິນກູ້ຈາກກອງທຶນ LAFF ທີ່ໄດ້ຖືກສົ່ງຄືນຈາກລູກຄ້າລາຍຍ່ອຍ ແມ່ນສາມາດປ່ອຍເປັນເງິນກູ້ຍ່ອຍໃຫ້ລູກຄ້າທີ່ເປັນຫົວໜ່ວຍ MSMEs ຕໍ່ໄປເລື້ອຍໆ ພາຍໃຕ້ເງື່ອນໄຂເງິນກູ້ຍ່ອຍ ຫຼື ເງື່ອນໄຂຂອງ MSMEs.
ນໍາໃຊ້ແບບຟອມການປະເມີນ ຜົນກະທົບທາງດ້ານສີ່ງແວດລ້ອມ ແລະ ສັງຄົມ ທີ່ກອງທຶນ ກໍານົດຢ່າງເຂັ້ມງວດ.

7. ເງື່ອນໄຂສຳລັບເງິນກູ້ຍ່ອຍ ທີ່ປ່ອຍໃຫ້ຫົວໜ່ວຍ MSMEs

ສັງລວມເງື່ອນໄຂຕົ້ນຕໍສຳລັບເງິນກູ້ຍ່ອຍສໍາລັບແຫຼ່ງທຶນຈາກ ADB:
ວົງເງິນປ່ອຍກູ້: ຕ່ຳສຸດ 2 ລ້ານກີບ ແລະ ສູງສຸດ 1 ຕື້ກີບ.
ອັດຕາດອກເບ້ຍ: ເປັນອັດຕາດອກເບ້ຍຕາມກົນໄກຕະຫຼາດ ໂດຍອີງຕາມນະໂຍບາຍສິນເຊື່ອຂອງ PFI.
ກຳນົດເວລາສະເລ່ຍ: ຢ່າງໜ້ອຍ 12 ເດືອນ ໂດຍສະເລ່ຍ.
ຊ່ວງພັກຊຳລະຕົ້ນທຶນ: ໜື່ງສ່ວນສາມຂອງກຳນົດໄລຍະເວລາເງິນກູ້.
ປ່ອຍກູ້ໃຫ້ແກ່ຂະແໜງກະສິກຳ ລວມມີ ປູກຝັງ, ລ້ຽງສັດ, ການແປຮູບລະດັບຈຸນລະພາກ, ການຂົນສົ່ງສິນຄ້າກະສິກໍາ, ການເກັບຊື້ແລະຂາຍສິນຄ້າກະສິກໍາ ແລະ ຂະແໜງອື່ນໆທີ່ຕິດພັນກັບຕ່ອງໂສ້ມູນຄ່າຂະແໜງກະສິກໍາ ເທົ່ານັ້ນ.
ການປ່ອຍກູ້ໃຫ້ແກ່ຜູ້ປະກອບການເພດຍິງຕ້ອງມີຢ່າງໜ້ອຍ 51% ຂອງຈຳນວນເງິນປ່ອຍກູ້ຍ່ອຍທັງໝົດ.
ຕ້ອງປ່ອຍສິນເຊື່ອໃຫ້ຜູ້ກູ້ຢືມລາຍຍ່ອຍ ທີ່ມີຄວາມສ່ຽງຕໍ່າ ດ້ານສິ່ງແວດລ້ອມ ແລະ ສັງຄົມ (ປະເພດ C ບໍ່ແມ່ນປະເພດ A ຫຼື B).
ວົງເງິນປ່ອຍກູ້ເກີນ 200,000,000 ກີບ ຕ້ອງນໍາໃຊ້ແບບຟອມການປະເມີນ ຜົນກະທົບທາງດ້ານສີ່ງແວດລ້ອມ ແລະ ສັງຄົມ ທີ່ກອງທຶນ ກໍານົດຢ່າງເຂັ້ມງວດ.

8. ການສະໜອງການຊ່ວຍເຫຼືອດ້ານວິຊາການ

II. ຂະບວນການ

1. ຄວາມເປັນມາຂອງໜັງສືສະແດງເຈດຈຳນົງ

2. ເອກະສານທີ່ຕ້ອງການ

ຂໍ້ມູນດ້ານທຸລະກິດ/ການຈັດຕັ້ງພະນັກງານ

ໂຄງຮ່າງການຈັດຕັ້ງ

ເອກະສານດ້ານນິຕິກຳ

ໜັງສືອະນຸມັດການໃຫ້ກູ້ຢືມ ຈາກກົມກ່ຽວຂ້ອງຂອງ ທຫລ ທີ່ຄຸ້ມຄອງສະຖາບັນການເງິນນັ້ນ
ບົດລາຍງານສະບັບລ້າສຸດ ທີ່ໄດ້ສົ່ງໃຫ້ ທຫລ
ໃບອະນຸຍາດດຳເນີນທຸລະກິດ
ບົດບັນທຶກການຮ່ວມທຶນຂອງບັນດາຜູ້ຖືຮຸ້ນ

ແຜນທຸລະກິດ

ແຜນທຸລະກິດ ຫຼື ກິດຈະກຳທາງດ້ານທຸລະກິດທີ່ວາງແຜນໄວ້
ການຄາດຄະເນດ້ານການເງິນ 3-5 ຕໍ່ໜ້າ.

ຂໍ້ມູນດ້ານການເງິນ

ບົດລາຍງານຖານະການເງິນ ປະຈຳປີ ທີ່ໄດ້ຖືກກວດສອບແລ້ວ 3 ປີ ຍ້ອນຫຼັງ, ຖ້າບົດລາຍງານ ປີຫຼ້າສຸດ ບໍ່ທັນໄດ້ຮັບການກວດສອບ, ອາດນໍາໃຊ້ບົດລາຍງານຖານະການເງິນທີ່ສົ່ງໃຫ້ ທຫລ ໃນປີຫຼ້າສຸດແທນ;
ຍອດເງິນກູ້ທ້າຍປີ ປີຫຼ້າສຸດ (ຍອດເງິນກູ້ທີ່ກຳລັງເຄື່ອນໄຫວຢູ່, ຈຳນວນລູກຄ້າຜູ້ກູ້ຢືມ, PAR ສຳລັບ ສກຈຮ, NPL ສຳລັບ ທະນາຄານ) ຈັດແຍກຕາມສາຂາ ແລະ ຜະລິດຕະພັນ;
ຍອດເງິນກູ້ທັງໝົດໃນແຕ່ລະເດືອນຂອງປີ ຫຼ້າສຸດ (ຍອດເງິນກູ້ທີ່ກຳລັງເຄື່ອນໄຫວຢູ່, ຈຳນວນລູກຄ້າຜູ້ກູ້ຢືມ, PAR ສຳລັບ ສກຈຮ, NPL ສຳລັບ ທະນາຄານ);
ລາຍຊື່ສະບັນການເງິນທີ່ໄດ້ປ່ອຍເງິນກູ້ໃຫ້ (ເຊັ່ນວ່າ: ກອງທຶນບ້ານ ຫຼື ທະນາຄານບ້ານ, ຖ້າມີ);
ບົດລາຍງານລາຍລະອຽດກ່ຽວກັບເງິນກູ້ປັບໂຄງສ້າງ ແລະ ເງິນກູ້ປ່ອຍຄືນໃໝ່;
ລາຍລະອຽດຍອດເງິນກູ້ສຳລັບລູກຄ້າໜີ້ຊັກຊ້າ.

ແຫຼ່ງທຶນ ລວມທັງເງິນຝາກ

ເງິນຝາກຕາມແຕ່ລະຜະລິດຕະພັນ, ແຕ່ລະສະກຸນເງິນ, ກຳນົດເວລາ ແລະ ອັດຕາດອກເບ້ຍເງິນຝາກແຕ່ລະປະເພດ.
ຍອດເງິນຝາກລາຍໃຫຍ່ແຕ່ລະລາຍ ແຕ່ອັນດັບທີ 1 ຮອດ ອັນດັບທີ 15.
ຂໍ້ມູນກ່ຽວກັບສະຖາບັນ ຫຼື ອົງກອນອື່ນທີ່ໃຫ້ທຶນກູ້ຢືມ (ຊື່ອົງກອນ, ວັນທີ່ກູ້ຢືມ, ກຳນົດເວລາ, ອັດຕາດອກເບ້ຍ, ສະກຸນເງິນ, ຕາຕະລາງເວລາຂອງການຊຳລະ, ການຄ້ຳປະກັນ, ຄ່າທຳນຽມ).

ນະໂຍບາຍຕ່າງໆ

ຂໍ້ມູນກ່ຽວກັບຜະລິດຕະພັນເງິນກູ້ຫຼັກ, ກຳນົດເວລາ ແລະ ເງື່ອນໄຂຕ່າງໆ;
ນະໂຍບາຍສິນເຊື່ອ ແລະ ຂະບວນການ ການປ່ອຍກູ້ ລວມທັງລາຍລະອຽດກ່ຽວກັບການບໍລິຫານໜີຊັກຊ້າ ແລະ ຄູ່ມືການດຳເນີນງານ.

3. ເງື່ອນໄຂເຂົ້າຮ່ວມໂຄງການ ສຳລັບ PFIs

ເງື່ອນໄຂ	ຕົວຊີ້ວັດ
1. ຄວາມສົນໃຈຫຼາຍ ໃນການປ່ອຍເງິນກູ້ ເພື່ອສົ່ງເສີມ MSME ເຊີ່ງເປັນເປົ້າໝາຍ ຂອງໂຄງການ (ວົງເງິນກູ້ຍ່ອຍບໍ່ເກີນ 1 ຕື້ກີບ)	ມີແຜນຍຸດທະສາດ ແລະ ແຜນທຸລະກິດ ຢ່າງຈະແຈ້ງ ທີ່ມີການສຸມໃສ່ ການປ່ອຍເງິນກູ້ໃຫ້ແກ່ MSME ເຊີ່ງເປັນເປົ້າໝາຍຂອງໂຄງການ (ວົງເງິນກູ້ຍ່ອຍບໍ່ເກີນ 1 ຕື້ກີບ).
	ມີຄວາມພ້ອມໃນການຮັບເອົາການສະໜັບສະໜູນ ເພື່ອປັບປຸງວິທີວິທະຍາຂອງ ການປ່ອຍກູ້ໃຫ້ແກ່ MSME ແລະ ປັບປຸງລະບົບການບໍລິຫານສິນເຊື່ອ (ລວມ ທັງນະໂຍບາຍ, ຂະບວນການ, ບົດແນະນຳ ແລະ ແບບຟອມຕ່າງໆ ທີ່ກ່ຽວຂ້ອງກັບການປ່ອຍກູ້), ຖ້າເຫັນວ່າຈຳເປັນ.
	ຮັບໄດ້ກ່ຽວກັບ ການລົງຕິດຕາມ ແລະ ການລົງກວດກາຢູ່ພາກສະໜາມ ຢ່າງເປັນ ປະຈຳ ໃນລະດັບຂັ້ນສະຖາບັນການເງິນ ແລະ ຂັ້ນລູກຄ້າ MSME ທີ່ກ່ຽວຂ້ອງ ໂດຍ ຫຼື ໃນນາມ ຜູ້ໃຫ້ທຶນ.
	ສະໜອງຂໍ້ມູນຢູ່ພາກສະໜາມກ່ຽວກັບເງິນກູ້ຍ່ອຍທີ່ປ່ອຍໃຫ້ແກ່ MSME ທີ່ລົງທຶນໂດຍທຶນຂອງກອງທຶນ LAFF ແລະ ສະຖານະດ້ານການເງິນຂອງ PFI ຢ່າງເປັນປົກກະຕິ
2. ປະສົບການ ແລະ ມີລະດັບຄວາມສາມາດໃນການປ່ອຍກູ້ຕໍ່	ມີປະສົບການໃນການປ່ອຍກູ້ໃຫ້ແກ່ MSMEs ໃນ ສປປ ລາວ ຢ່າງໜ້ອຍໜື່ງປີ.
2. ປະສົບການ ແລະ ມີລະດັບຄວາມສາມາດໃນການປ່ອຍກູ້ຕໍ່	ມີຄວາມສາມາດໃນການປ່ອຍກູ້ຕໍ່ອອກໄປໃນຈຳນວນເງິນ 15 ຕື້ກີບ ສຳລັບທະນາຄານ (0.5 ຕື້ກີບ ສຳລັບ ສກຈຮ) ໃຫ້ແກ່ MSMEs ພາຍໃນໄລຍະເວລາ ສອງ ປີ.
3. ສາມາດປະຕິບັດໄດ້ຕາມລະບຽບການ ດ້ານຄວາມໝັ້ນຄົງ	ໄດ້ຮັບໃບອະນຸຍາດຈາກ ທຫລ.
	ຮັບໄດ້ກ່ຽວກັບການລົງຕິດຕາມຢ່າງເປັນປະຈຳຂອງ ທຫລ.
	ສາມາດປະຕິບັດຕາມລະບຽບການດ້ານຄວາມໝັ້ນຄົງຂອງ ທຫລ.
	ສາມາດປະຕິບັດພັນທະດ້ານການກວດສອບພາຍນອກໄດ້.
	ສາມາດສະໜອງໄດ້ພັນທະດ້ານການລາຍງານ.
	ມີມາດຕະຖານການບັນຊີ ແລະ ຂະບວນການຄອບຄຸມພາຍໃນ ທີ່ສາມາດເຮັດໃຫ້ມີການຕິດຕາມໄດ້ທຶນເງິນກູ້ຈາກກອງທຶນ LAFF ແລະ ການນຳໃຊ້ທຶນດັ່ງກ່າວ.
4. ມີນະໂຍບາຍສິນເຊື່ອ ແລະ ການດຳເນີນງານດ້ານສິນເຊື່ອທີ່ເປັນມືອາຊີບ ແລະ ໂປ່ງໂສ	ມີວິທີວິທະຍາ ການປ່ອຍເງິນກູ້ ທີ່ມີປະສິດທິຜົນ.
	ມີຂະບວນການບໍລິຫານຄວາມສ່ຽງທີ່ເໝາະສົມ.
	ບໍ່ມີການຖົມຂຸມ ແລະ ມີການນຳໃຊ້ອັດຕາດອກເບ້ຍຕາມກົນໄກຕະລາດ.
	ອັດຕາສ່ວນໜີ້ຊັກຊ້າ ຫຼື NPL ຢູ່ໃນລະດັບບໍ່ເກີນ 5%.
	ອັດຕາສ່ວນຄວາມພຽງພໍຂອງທຶນ ຢ່າງໜ້ອຍ 10.5% ສຳລັບທະນາຄານທຸລະກິດ ແລະ 12% ສຳລັບ ສະຖາບັນການເງິນຈຸລະພາກທີ່ຮັບເງິນຝາກ.
	ລະດັບຜົນການປະຕິບັດງານສູງກວ່າລະດັບສະເລ່ຍຂອງຂະແໜງການ
5. ມີການປະຕິບັດງານການບໍລິການດ້ານການເງິນທີ່ມີຄວາມຮັບຜິດຊອບ	ມີນະໂຍບາຍຂອງສະຖາບັນກ່ຽວກັບການນຳໃຊ້ຫຼັກການ ການປົກປ້ອງລູກຄ້າ ແລະ ສອດຄ່ອງກັບຂໍ້ກຳນົດ ແລະ ກົດລະບຽບ ກ່ຽວກັບການປົກປ້ອງຜູ້ຊົມໃຊ້ການບໍລິການດ້ານການເງິນ.

4. ວັນທີປິດຮັບ ແລະ ວິທີການສົ່ງໜັງສືສະແດງເຈດຈຳນົງ

ກົມບໍລິການທະນາຄານ ທະນາຄານ ແຫ່ງ ສປປ ລາວ

ກອງທຶນສົ່ງເສີມການເຂົ້າເຖິງແຫຼ່ງທຶນ ໃນ ສປປ ລາວ (LAFF)

ຕູ້ ປນ 19, ຖະນົນ ຢອນເນັດ ນະຄອນຫຼວງວຽງຈັນ, ສປປ ລາວ

ທ່ານ ທ່ານ ນາງ ສ້ອຍສຸວັນ ສີບໍລິບູນ ແລະ ທ່ານ ນາງ ສຸກລາຕີ ບົວຄ່າສິດ

ໂທ: 020 22440559, 020 52892494.

ຖານະດ້ານກົດໝາຍ

ເອກະສານຊ້ອນທ້າຍ 1: ແບບຟອມໜັງສືສະເໜີເຈດຈຳນົງ

ເອກະສານຊ້ອນທ້າຍ 1 ທີ່ຕິດຄັດມາພ້ອມກັບການສະເໜີຂໍຈົດໝາຍສະແດງເຈດຈຳນົງ 2026 ຂອງກອງທຶນສົ່ງເສີມການເຂົ້າເຖິງແຫຼ່ງທຶນ ໃນ ສປປ ລາວ (LAFF) ໃບສະເໜີຂໍທຶນ
ກະລຸນາຮັບປະກັນວ່າ ຂໍ້ມູນຂ່າວສານທີ່ຕ້ອງການແມ່ນໄດ້ຖືກຕື່ມໃສ່ຢ່າງຄົບຖ້ວນ ແລະ ເອກະສານທີ່ຕ້ອງການ ແມ່ນໄດ້ຖືກສົ່ງມາ ພ້ອມ ໃນເວລາທີ່ທ່ານສົ່ງໜັງສືສະແດງເຈດຈຳນົງ.
ພາກທີ 1: ອົງການຈັດຕັ້ງ ແລະ ທີ່ຢູ່ຕິດຕໍ່
1.1 ຊື່ເຕັມ
1.2. ທີ່ຢູ່ຕິດຕໍ່
1.3 ລາຍລະອຽດ ກ່ຽວກັບການຂື້ນທະບຽນ ແລະ ໃບອະນຸຍາດ	ປະເພດ	ເລກທີ, ອອກໃຫ້ວັນທີ, ອົງກອນລັດທີ່ອອກໃຫ້
	1.3.1 ການຈົດທະບຽນດຳເນີນທຸລະກິດ
	1.3.2 ໃບອະນຸ ຍາດ ຈາກ ທຫລ
	1.3.3 ທະບຽນອາກອນ
ຕົວແທນຂອງບໍລິສັດທີ່ຖືກຕ້ອງຕາມກົດໝາຍ
1.4 ລາຍລະອຽດ ກ່ຽວກັບການຕິດຕໍ່ ຂອງຜູ້ທີ່ເປັນຕົວແທນຂອງສະຖາບັນການເງິນ (ເຊັ່ນວ່າ: ບຸກຄົນຜູ້ທີ່ຈົດທະ ບຽນໃນນາມສະຖາ ບັນການເງິນ ແລະ ອຳນາດໃນການເປັນຜູ້ຕາງໜ້າ ຫຼື ລົງລາຍເຊັນໃນນາມ ສະຖາບັນການເງິນ)	1.4.1 ຊື່ ແລະ ນາມສະກຸນ ແລະ ຕຳແໜ່ງ
	1.4.2 ເບີໂທລະສັບ ຫ້ອງການ
	1.4.3 ເບີໂທລະສັບ ມືຖື
	1.4.4 ທີ່ຢູ່ອີເມວ ຫ້ອງການ
	1.4.5 ທີ່ຢູ່ຫ້ອງການ
	1.4.6 ຕູ້ ປນ
ການຕິດຕໍ່ບຸກຄົນຜູ້ທີ່ຮັບຜິດຊອບກ່ຽວກັບໜັງສືສະແດງເຈດຈຳນົງຂໍທຶນ
1.5. ລາຍລະອຽດ ກ່ຽວກັບການຕິດຕໍ່ ຂອງຕົວແທນສະຖາ ບັນການເງິນ ຫຼື ພະນັກງານ ຜູ້ບໍລິຫານໜັງສືສະແດງ ເຈດຈຳນົງ.	1.5.1 ຊື່ ແລະ ນາມສະກຸນ ແລະ ຕຳແໜ່ງ
	1.5.2 ເບີໂທລະສັບ ມືຖື
	1.5.3 ທີ່ຢູ່ອີເມວ
1.6 ບັນຊີລາຍຊື່ ແຂວງ ແລະ ເມືອງ ທີ່ອົງກອນຂອງທ່ານ ອະນຸຍາດໃຫ້ເຮັດວຽກ ແລະ ມີສາຂາ ຫຼື ໜ່ວຍບໍລິການ ເພື່ອປ່ອຍກູ້ໃຫ້ແກ່ MSMEs	1.6.1 ແຂວງ		1.6.2 ເມືອງ

ພາກທີ 2: ການສະເໜີຂໍທຶນຈາກກອງທຶນ LAFF
2.1 ການ ສະເໜີຂໍ ທຶນ ຈາກກອງທຶນ LAFF ໃນເທື່ອນີ້		ວົງເງິນລວມ ທີ່ສະເໜີຂໍໃນງວດນີ້ (ລ້ານ ກີບ).
2.2 ຄວາມສົນໃຈຂໍທຶນຈາກກອງທຶນ LAFF ສຳລັບງວດໜ້າ		ຄາດຄະເນຄວາມສົນໃຈຂໍທຶນຈາກກອງທຶນ LAFF ເພື່ອມາເປັນທຶນເພີ່ມເຕີມ ສຳລັບງວດໜ້າ (ລ້ານກີບ).
2.3 Project background ຫຼື ເຫດຜົນ About ການຂໍທຶນ ຈາກກອງ ທຶນ LAFF		ພວກເຮົາໄດ້ອະທິບາຍກ່ຽວກັບຄວາມເປັນມາ ຫຼື ເຫດຜົນຂອງການສະເໜີຂໍທຶນຈາກກອງທຶນ LAFF ພາຍໃຕ້ການສະແດງເຈດຈຳນົງເທື່ອນີ້ ໃນໜື່ງໜ້າເຈ້ຍ -A4, ລວມທັງແຜນການນຳໃຊ້ທຶນ (ເບີ່ງໃນ: ພາກ ຂ ຍໍ້ໜ້າທີ 1 ຂອງໜັງສືສະແດງເຈດຈຳນົງ). ຄວນຕອບຄຳຖາມດ້ວຍຄຳວ່າ ແມ່ນ ຫຼື ບໍ່ແມ່ນ; ຖ້າຫາກວ່າຄຳຕອບວ່າ “ບໍ່” ອາດກ້າວໄປສູ່ການບໍ່ມີເງື່ອນໄດ້ຮັບທຶນ.
ພາກທີ 3: ການສະເໜີຂໍການຊ່ວຍເຫຼືອດ້ານວິຊາການ
3. ການ ສະເໜີຂໍການຊ່ວຍເຫຼືອດ້ານວິຊາການ	3.1. ພວກເຮົາສະເໜີຂໍການຊ່ວຍເຫຼືອດ້ານວິຊາການ (ຄຳຕອບ: ຂໍ/ບໍ່ຂໍ)
	3.2 ພວກເຮົາໄດ້ອະທິບາຍກ່ຽວກັບຄວາມເປັນມາ ຫຼື ເຫດຜົນ ການຂໍການຊ່ວຍເຫຼືອດ້ານວິຊາການ (ເບີ່ງໃນ: ພາກ ຂ. ຍໍ້ໜ້າທີ 1 ຂອງໜັງສືສະເໜີຂໍຈົດໝາຍສະແດງເຈດຈຳນົງ). ຄຳຕອບ ຂໍ/ບໍ່ຂໍ
	ພວກເຮົາສະເໜີຂໍການປະເມີນຄວາມຕອງການ ກ່ຽວກັບການຊ່ວຍເຫຼືອດ້ານວິຊາການ ເພີ່ມເຕີມ ເພື່ອສ້າງເປັນແຜນການຊ່ວຍເຫຼືອດ້ານວິຊາການແບບຄົບຊຸດ (ຄຳຕອບ: ຂໍ/ບໍ່ຂໍ).

ພາກທີ 4: ເງື່ອນໄຂໄດ້ຮັບທຶນ ກະລຸນາຊີ້ແຈງ ວ່າແມ່ນ ຫຼື ບໍ່ແມ່ນ ຫຼື ຕື່ມເປັນຕົວເລກ ທີ່ສອດຄ່ອງກັບສະຖາບັນການເງິນຂອງທ່ານ, ຖ້າທ່ານເຫັນວ່າຈຳເປັນ ກະລຸນາອະທິບາຍເພີ່ມເຕີມ ໂດຍເພີ່ມເປັນເອກະສານຕິດຄັດມາພ້ອມ.
ເງື່ອນໄຂໄດ້ຮັບທຶນ	ຕົວຊີ້ວັດ	ແມ່ນ/ບໍ່ແມ່ນ ຫຼື ໃສ່ເປັນຕົວ ເລກ
ຄວາມສົນໃຈຫຼາຍ ໃນການປ່ອຍເງິນກູ້ ເພື່ອສົ່ງເສີມ MSME ເຊີ່ງເປັນເປົ້າໝາຍ ຂອງໂຄງການ (ວົງເງິນກູ້ຍ່ອຍບໍ່ເກີນ 1 ຕື້ກີບ)	ມີແຜນຍຸດທະສາດ ແລະ ແຜນທຸລະກິດ ຢ່າງຈະແຈ້ງ ທີ່ມີການສຸມໃສ່ ການປ່ອຍເງິນກູ້ໃຫ້ແກ່ MSME ເຊີ່ງເປັນເປົ້າໝາຍຂອງໂຄງການ (ວົງເງິນກູ້ຍ່ອຍບໍ່ເກີນ 1 ຕື້ກີບ).
	ມີຄວາມພ້ອມໃນການຮັບເອົາການສະໜັບສະໜູນ ເພື່ອປັບປຸງວິທີວິທະຍາຂອງ ການ ປ່ອຍກູ້ໃຫ້ແກ່ MSME ແລະ ປັບປຸງລະບົບການບໍລິຫານສິນເຊື່ອ (ລວມທັງນະໂຍບາຍ, ຂະບວນການ, ບົດແນະນຳ ແລະ ແບບຟອມຕ່າງໆ ທີ່ກ່ຽວຂ້ອງກັບການປ່ອຍກູ້), ຖ້າເຫັນວ່າຈຳເປັນ
	ຮັບໄດ້ກ່ຽວກັບການລົງຕິດຕາມ ແລະ ການລົງກວດກາຢູ່ພາກສະໜາມ ຢ່າງເປັນປະຈຳ ໃນລະດັບຂັ້ນສະຖາບັນການເງິນ ແລະ ຂັ້ນລູກຄ້າ MSME ທີ່ກ່ຽວຂ້ອງ ໂດຍ ຫຼື ໃນນາມ ຜູ້ໃຫ້ທຶນ.
	ສະໜອງຂໍ້ມູນຢູ່ພາກສະໜາມກ່ຽວກັບເງິນກູ້ຍ່ອຍທີ່ປ່ອຍໃຫ້ແກ່ MSME ທີ່ລົງທຶນໂດຍທຶນຂອງກອງທຶນ LAFF ແລະ ສະຖານະດ້ານການເງິນຂອງ PFI ຢ່າງເປັນປົກກະຕິ
ປະສົບການ ແລະ ມີລະດັບຄວາມສາມາດໃນການປ່ອຍກູ້ຕໍ່	1. ມີປະສົບການໃນການປ່ອຍກູ້ໃຫ້ MSMEs ໃນ ສປປ ລາວ ຢ່າງໜ້ອຍໜື່ງປີ.
ປະສົບການ ແລະ ມີລະດັບຄວາມສາມາດໃນການປ່ອຍກູ້ຕໍ່	2. ມີຄວາມສາມາດໃນການປ່ອຍກູ້ອອກໄປໃນຈຳນວນ 15 ຕື້ກີບ ສຳລັບທະນາຄານ (0.5 ຕື້ກີບ ສຳລັບ ສກຈຮ) ໃຫ້ແກ່ MSMEs ພາຍໃນໄລຍະເວລາ ສອງ ປີ.
ສາມາດປະຕິບັດໄດ້ຕາມລະບຽບການ ດ້ານຄວາມໝັ້ນຄົງ	ໄດ້ຮັບໃບອະນຸຍາດຈາກ ທຫລ.
	ຮັບໄດ້ກ່ຽວກັບການລົງຕິດຕາມຢ່າງເປັນປະຈຳຂອງ ທຫລ
	ສາມາດປະຕິບັດຕາມລະບຽບການດ້ານຄວາມໝັ້ນຄົງຂອງ ທຫລ
	ສາມາດປະຕິບັດພັນທະດ້ານການກວດສອບພາຍນອກໄດ້.
	ສາມາດສະໜອງໄດ້ພັນທະດ້ານການລາຍງານ.
	ມີມາດຕະຖານການບັນຊີ ແລະ ຂະບວນການຄອບຄຸມພາຍໃນ ທີ່ສາມາດເຮັດໃຫ້ມີການຕິດຕາມໄດ້ທຶນເງິນກູ້ຈາກກອງທຶນ LAFF ແລະ ການນຳໃຊ້ທຶນດັ່ງກ່າວ.
ມີນະໂຍບາຍສິນເຊື່ອ ແລະ ການດຳເນີນງານດ້ານສິນເຊື່ອທີ່ເປັນມືອາຊີບ ແລະ ໂປ່ງໂສ	ມີວິທີວິທະຍາ ການປ່ອຍເງິນກູ້ ທີ່ມີປະສິດ ທິຜົນ.
	ມີຂະບວນການບໍລິຫານຄວາມສ່ຽງທີ່ເໝາະສົມ.
	ບໍ່ມີການຖົມຂຸມ ແລະ ມີການນຳໃຊ້ອັດຕາດອກເບ້ຍຕາມກົນໄກຕະລາດ.
	ອັດຕາສ່ວນໜີ້ຊັກຊ້າ ຫຼື NPL ຢູ່ໃນລະດັບບໍ່ເກີນ 5%.
	ອັດຕາສ່ວນຄວາມພຽງພໍຂອງທຶນ ຢ່າງໜ້ອຍ 10.5% ສຳລັບທະນາຄານທຸລະກິດ ຫຼື 12% ສຳລັບ ສກຈຮ.
	ລະດັບຜົນການປະຕິບັດງານສູງກວ່າລະດັບສະເລ່ຍຂອງຂະແໜງການ.
ມີການປະຕິບັດງານການບໍລິການດ້ານການເງິນທີ່ມີຄວາມຮັບຜິດຊອບ	ນະໂຍບາຍຂອງສະຖາບັນກ່ຽວກັບການນຳໃຊ້ຫຼັກການ ການປົກປ້ອງລູກຄ້າ ແລະ ສອດຄ່ອງກັບຂໍ້ກຳນົດ ແລະ ກົດລະບຽບ ກ່ຽວກັບການປົກປ້ອງຜູ້ຊົມໃຊ້ການບໍລິການດ້ານການເງິນ.

ພາກທີ 5: ພາບລວມກ່ຽວກັບການສະໜັບສະໜູນດ້ານວິຊາການ ແລະ/ ຫຼື ດ້ານການເງິນ ຈາກອົງການຈັດຕັ້ງ ສາກົນ ແລະ/ຫຼື ອົງກອນຜູ້ໃຫ້ທຶນ, ລັດຖະບານ ຫຼື ແຫຼ່ງທຶນຈາກພາຍນອກອື່ນໆ ລວມທັງ ສະຖາບັນການເງິນ ສາກົນ. ກະລຸນາໃຫ້ລາຍລະອຽດກ່ຽວກັບພາບລວມຂອງການສະໜັບສະໜູນທີ່ມີໃນປະຈຸບັນ ດັ່ງກ່າວ ຖ້າມີ:
ອົງກອນ	ປະເພດຂອງການສະໜັບສະໜູນ ແລະ ຊັບພະຍາ ກອນມະນຸດ ແລະ ຊັບພະຍາກອນດ້ານການ ເງິນທີ່ກ່ຽວຂ້ອງ	ວັນທີເລີ່ມຕົ້ນ ແລະ ວັນທີສີ້ນສຸດ ການສະໜັບສະໜູນ

ພາກທີ 6: ພາບລວມ ກ່ຽວກັບເອກະສານ ແລະ ຂໍ້ມູນຂ່າວສານ ທີ່ຕ້ອງສົ່ງໃຫ້ກອງທຶນ.
ຫົວຂໍ້	ສະໜອງໃຫ້ໃນຮູບແບບ – ທີເປັນບ່ອນອີງ	ແມ່ນ/ບໍ່ແມ່ນ
Project background ຫຼື ເຫດຜົນ ທີ່ສະເໜີຂໍທຶນ ຈາກກອງທຶນ LAFF (ເບີ່ງໃນ: ພາກທີ 2 ຂອງແບບຟອມນີ້)	ຂຽນເພີ່ມເຕີມ (ໜື່ງໜ້າເຈ້ຍ A4)
Project background ຫຼື ເຫດຜົນສະເໜີຂໍ ການຊ່ວຍເຫຼືອດ້ານວິຊາການຈາກກອງທຶນ LAFF (ເບີ່ງໃນ: ພາກທີ 3 ຂອງແບບຟອມນີ້)	ຂຽນເພີ່ມເຕີມ (ໜື່ງໜ້າເຈ້ຍ A4)
ເງື່ອນໄຂໄດ້ຮັບທຶນ (ເບີ່ງໃນ: ພາກທີ 4 ຂອງແບບຟອມນີ້)	ການກວດກາ: ໃຫ້ໃສ່ວ່າ “ແມ່ນ”, ບໍ່ໃສ່ຕົວເລກ, ຖ້າເຫັນວ່າຈຳເປັນ ກະລຸນາອະທິບາຍເພີ່ມເຕີມ ໃສ່ໜ້າເຈ້ຍຕ່າງຫາກ
ເອກະສານທີ່ຕ້ອງການ (ເບີ່ງໃນ: ໜັງສືສະແດງເຈດຈຳນົງ)

ພາກທີ 7: ການຢັ້ງຢືນ
ຂ້າພະເຈົ້າ, ທີ່ລົງລາຍເຊັນຂ້າງລຸ່ມນີ້, ຢັ້ງຢືນວ່າ ຂໍ້ມູນຂ່າວສານ ທີ່ໄດ້ປະກອບໃຫ້ໃນແບບຟອມສະບັບນີ້ ແມ່ນຖືກຕ້ອງ ແລະ ຄົບ ຖ້ວນ. ຂ້າພະເຈົ້າຮັບຮູ້ວ່າ ການສະໜອງຂໍ້ມູນຂ່າວສານທີ່ບໍ່ຄົບຖ້ວນ ແລະ ບໍ່ຖືກຕ້ອງ ແມ່ນຈະເຮັດໃຫ້ ສະຖາບັນຂອງຂ້າພະເຈົ້າ ບໍ່ສາມາດໄດ້ຮັບທືນ ແລະ ການຊ່ວຍເຫຼືອດ້ານວິຊາການ ຈາກກອງທຶນ LAFF ທັງໃນປະຈຸບັນ ແລະ ໃນອະນາຄົດ. ລົງລາຍເຊັນ
ຊື່ ແລະ ນາມສະກຸນ ຜູ້ລົງລາຍເຊັນ		ຈ້ຳກາຂອງສະຖາບັນການເງິນ
ຕຳແໜ່ງໃນ ສະຖາບັນ ການເງິນ
ວັນທີ
ວັນທີ ແລະ ເວລາ ປິດສົ່ງຈົດໝາຍສະແດງເຈດຈຳນົງ (EoI) ແມ່ນ ວັນທີ 04 ກັນຍາ 2026, ເວລາ 16:00 ຕາມວັນເວລາຂອງທະນາຄານແຫ່ງ ສປປ ລາວ. ຈົດໝາຍສະແດງເຈດຈຳນົງ ທີ່ໄດ້ຮັບຊ້າກວ່າວັນກຳນົດ ໝາຍດັ່ງກ່າວ ແມ່ນຈະບໍ່ໄດ້ຖືກພິຈາລະນາ. ໜັງສືສະແດງເຈດຈຳນົງ ແລະ ເອກະສານທີ່ກ່ຽວຂ້ອງ ຈະຕ້ອງໄດ້ສົ່ງໃສ່ຊອງທີ່ປິດ ແລະ ຂຽນຫົວຂໍ້ໃສ່ວ່າ “*ຈົດໝາຍສະແດງເຈດຈຳນົງ* *ເພື່ອຂໍທຶນຈາກກອງທຶນ* LAFF ປີ 2026”, ສົ່ງໄປຕາມທີ່ຢູ່ ຂ້າງລຸ່ມນີ້: ກົມບໍລິການທະນາຄານ, ທະນາຄານ ແຫ່ງ ສປປ ລາວ ກອງທຶນສົ່ງເສີມການເຂົ້າຫາແຫຼ່ງທຶນ ໃນ ສປປ ລາວ (LAFF) ຕູ້ ປນ 19, ຖະນົນ ຢອນເນ ນະຄອນຫຼວງວຽງຈັນ, ສປປ ລາວ ສົ່ງ: ທ່ານ ນ ສ້ອຍສຸວັນ ສີບໍລິບູນ; ທ່ານ ນ ສຸກລາຕີ ບົວຄ່າສິດ ໂທ: 02022440559; 02052892494

[1] ຂໍ້ຕົກລົງວ່າດ້ວຍການແຕ່ງຕັ້ງຄະນະຮັບຜິດຊອບຄຸ້ມຄອງ LAFF No. 108/BoL, 11/02/2020.

[8] GoL/225, 06/04/2020.

11 Aug News article: The Lao Access to Finance Fund in Lao PDR “Lao Access to Finance Fund_LAFF” completed the inspection and monitoring of partner financial institutions and the assessment of the lending capacity of new financial institutions on 01-02 and 06-10 July 2026

Posted at 08:38h in News [social_share]

On July 1-2 and 6-10 , 2026 , the LAFF Management and Administration Committee conducted inspections and monitoring of partner financial institutions, namely: ACLEDA Lao Bank Limited at Paksong Branch, Champasak Province and the Development Bank of Laos at the head office in Vientiane Capital Province, as well as assessing the lending capacity of new financial institutions, namely: Sai Phi Samphan Bank in Savannakhet Province and Champasak Bank of Laos in Champasak Province, led by the Deputy Head of the Credit Department, who is also the Head of the LAFF Secretariat, 03 LAFF staff and 01 staff member of the Non-Bank Financial Institutions Management Department. The purpose of this inspection and monitoring is to monitor the performance of partner financial institutions after receiving funds from the LAFF Fund and lending to retail customers to understand the overall situation of lending operations, benefits received from the Fund’s loans, advantages, difficulties and other problems encountered in the past. Also, assess the integrity due diligence of new financial institutions that are interested in applying for a loan from the LAFF Fund. In addition, new sources of loans from the Asian Development Bank (ADB) were announced for financial institutions to take note of.

ການລົງຢ້ຽມຢາມ ສະຖາບັນການເງິນທີ່ເປັນຄູ່ຮ່ວມງານຂອງກອງທຶນ LAFF ທັງສີ່ ແມ່ນເປັນສະຖາບັນການເງິນທີ່ມີຄວາມມັ້ນຄົງ ແລະ ມີລະບົບການຄຸ້ມຄອງ ແລະ ບໍລິຫານງານທີ່ທັນສະໄໝ, ມີການດຳເນີນງານ ແລະ ຄວາມຮັບຜິດຊອບທີ່ໜ້າເຊື່ອຖື ພ້ອມທັງ ມີການສົ່ງເສີມ ແລະ ການກຳນົດ ການບໍລິການນະໂຍບາຍສິນເຊື່ອ ທີ່ຫຼາກຫຼາຍ ເພື່ອຮອງຮັບຄວາມຕ້ອງການຂອງປະຊາຊົນໃນຫຼາຍຮູບແບບ. ນອກຈາກນັ້ນ, ຍັງມີການຄຸ້ມຄອງສາຂາ ແລະ ໜ່ວຍບໍລິການ ຢູ່ໃນລະດັບທີ່ດີ.

ການຈັດຕັ້ງປະຕິບັດການປ່ອຍກູ້ ບ້ວງທຶນຈາກກອງທຶນ LAFF ໂດຍລວມເຫັນວ່າ ທັງສອງ ສະຖາບັນການເງິນ ແມ່ນເຮັດໄດ້ດີຫຼາຍ ສາມາດປ່ອຍອອກໝົດພາຍໃນໄລຍະເວລາອັນສັ້ນ ເພາະເປັນສະຖາບັນທີ່ມີປະສົບການ ໃນການປ່ອຍເງິນກູ້ໃຫ້ແກ່ຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ (MSMEs), ຊຶ່ງເຫັນໄດ້ຈາກການປ່ອຍກູ້ໄດ້ຕາມເງື່ອນໄຂຂອງກອງທຶນກຳນົດໄວ້. ແຕ່ເຖິງຢ່າງໃດກໍ່ຕາມ ສະຖາບັນການເງິນຫຼາຍແຫ່ງຍັງຄົງມີຄວາມຕ້ອງການແຫຼ່ງທຶນຈໍານວນຫຼາຍ ແລະ ດອກເບ້ຍຕໍ່າ.

ຄະນະໄດ້ລົງຢ້ຽມຢາມລູກຄ້າລາຍຍ່ອຍ, ເຊິ່ງເປັນຜູ້ປະກອບການດ້ານ ການປູກຜັກສວນຄົວ, ປູກກາເຟ ແລະ ຄ້າຂາຍ ທັງເປັນລູກຄ້າເກົ່າ ແລະ ໃໝ່ ນໍາໃຊ້ເງິນກູ້ ເພື່ອເປັນທຶນໝູນວຽນ ແລະ ຂະຫຍາຍທຸລະກິດ ເຊັ່ນ: ຊື້ແນວພັນຜັກ, ຊື້ຝຸ່ນ, ຈ້າງແຮງງານ, ຊື້້ລົດໃນການແກ່ຜັກໄປຂາຍ ແລະ ອື່ນໆ. ການຊໍາລະແມ່ນເປັນລາຍເດືອນ (ດອກເບ້ຍຫຼຸດລົງຕາມຕົ້ນທຶນ). ນອກຈາກນັ້ນ, ຍັງເກັບຕົ້ນທຶນ ແລະ ດອກເບ້ຍ ໂດຍອີງຕາມລາຍຮັບຕົວຈິງ ຫຼື ລະດູການເກັບກ່ຽວ ເພື່ອອຳນວຍຄວາມສະດວກໃຫ້ແກ່ຊາວກະສິກຳ ເຮັດໃຫ້ ພວກເຂົາເຈົ້າບໍ່ມີບັນຫາກ່ຽວກັບການຊໍາລະຄືນ ແລະ ອັດຕາດອກເບ້ຍ ສໍາລັບນະໂຍບາຍສິນເຊື່ອ ທີ່ຫຼາກຫຼາຍ ຂອງສະຖາບັນການເງິນ ສາມາດຕອບສະໜອງຄວາມຕ້ອງການຂອງລູກຄ້າລາຍຍ່ອຍໄດ້ຫຼາຍແບບ.

The success of this visit shows that financial institutions have brought loans from the LAFF fund to the local area to provide micro-enterprises or small and medium-sized producers with access to capital and favorable conditions. Customers are satisfied with the convenient and fast service. They are also very impressed with the service and are grateful for the opportunity to access financial services that have improved their lives.

ສະຖາບັນການເງິນທີ່ເປັນຄູ່ຮ່ວມງານເກົ່າ ແລະ ໃໝ່ ຍັງມີຄວາມຕ້ອງການແຫຼ່ງທຶນຈາກກອງທຶນ LAFF ເພື່ອນໍາມາໃຊ້ເປັນແຫຼ່ງທຶນປ່ອຍກູ້ໃຫ້ແກ່ຈຸນລະວິສາຫະກິດຂະນາດນ້ອຍ, ກາງ (MSMEs) ເຊີ່ງເປັນພາກສ່ວນທີ່ມີຄວາມຕ້ອງການເງິນກູ້ຢ່າງຫຼວງຫຼາຍ ແລະ ຍັງເປັນພາກສ່ວນທີ່ມີການສ້າງລາຍຮັບ ແລະ ສ້າງວຽກເຮັດງານທຳໃຫ້ແກ່ ປະຊາຊົນລາວຢ່າງຫຼວງຫຼາຍ ແຕ່ຍັງບໍ່ທັນ ໄດ້ຮັບການຕອບສະໜອງຢ່າງພຽງພໍເທື່ອ ໂດຍສະເພາະແມ່ນລູກຄ້າລາຍຍ່ອຍ ຂອງສະຖາບັນການເງິນ ຍັງຄົງມີຄວາມຕ້ອງການແຫຼ່ງທຶນດອກເບ້ຍຕໍ່າ ເພື່ອນໍາມາໃຊ້ເປັນທຶນ ເພື່ອຂະຫຍາຍທຸລະກິດຂອງເຂົາເຈົ້າ.

This field visit This field visit showed that the two partner financial institutions and the two new financial institutions have cooperated well, especially the cooperation from the management teams of the four financial institutions and related branches, along with all the retail customers who visited, making the visit a success as expected.

19 May ກອງທຶນ LAFF ສໍາເລັດການທັດສະນະສຶກສາ ແລະ ແລກປ່ຽນບົດຮຽນ ຢູ່ ສະຫະພັນສະຫະກອນກະສິກຳແຫ່ງຊາດ ເກົາຫຼີໃຕ້

Posted at 09:00h in Uncategorized, News [social_share]

ໃນລະຫວ່າງວັນທີ 12-16 ພຶດສະພາ 2026 ຜ່ານມານີ້, ຄະນະກອງທຶນສົ່ງເສີມການເຂົ້າເຖິງແຫຼ່ງທຶນໃນ ສປປ ລາວ (Lao Access to Finance Fund – LAFF) ໄດ້ສໍາເລັດການເຄື່ອນໄຫວທັດສະນະສຶກສາ ແລະ ແລກປ່ຽນບົດຮຽນ ຢູ່ ສະຫະພັນສະຫະກອນກະສິກຳແຫ່ງຊາດ (National Agricultural Cooperative Federation – NACF) ທີ່ນະຄອນຫຼວງໂຊ, ສາທາລະນະລັດ ເກົາຫຼີ, ນໍາພາໂດຍ ທ່ານ ເພັດສະຖາພອນ ແກ້ວວົງວິຈິດ, ຫົວໜ້າກົມບໍລິການທະນາຄານ ທະນາຄານແຫ່ງ ສປປ ລາວ ທັງເປັນຜູ້ອໍານວຍການກອງທຶນ LAFF, ພ້ອມດ້ວຍຄະນະຊີ້ນຳລວມ, ຫົວໜ້າພະແນກຄຸ້ມຄອງໜີ້ສິນ ກົມບໍລິການທະນາຄານ ແລະ ໜ່ວຍງານຄຸ້ມຄອງ-ບໍລິຫານກອງທຶນ LAFF ລວມທັງໝົດ 8 ທ່ານ.
ຈຸດປະສົງຂອງການໄປທັດສະນະສຶກສາແລກປ່ຽນບົດຮຽນໃນຄັ້ງນີ້ ແມ່ນເພື່ອສຶກສາຮຽນຮູ້ ແລະ ແລກປ່ຽນປະສົບການກ່ຽວກັບ ກົນໄກການປ່ອຍສິນເຊື່ອ, ການຄຸ້ມຄອງຄວາມສ່ຽງ, ການພັດທະນາລະບົບການເງິນ, ການສົ່ງເສີມການເຂົ້າເຖິງແຫຼ່ງທຶນ, ການສ້າງຕ່ອງໂສ້ມູນຄ່າ ແລະ ລະບົບນິເວດທາງການກະສິກຳ ຕົ້ນທຶນຕ່ຳ, ຕະຫຼອດຮອດການນຳໃຊ້ນະວັດຕະກຳດິຈິຕອນເຂົ້າໃນການບໍລິການທາງການເງິນທີ່ທັນສະໄໝ; ທັງເປັນການເສີມສ້າງຄວາມອາດສາມາດໃຫ້ແກ່ຄະນະຄຸ້ມຄອງ ແລະ ບໍລິຫານກອງທຶນ LAFF ໃນການຖອດຖອນບົດຮຽນຈາກສາກົນ ເພື່ອນຳມາປັບໃຊ້ເຂົ້າໃນການບໍລິຫານຈັດການກອງທຶນໃຫ້ມີປະສິດທິພາບສູງສຸດ, ແນໃສ່ສົ່ງເສີມການເຂົ້າເຖິງແຫຼ່ງທຶນຂອງຊາວກະສິກອນ ແລະ ຜູ້ປະກອບການໃນ ສປປ ລາວ ໃຫ້ໄດ້ຮັບການພັດທະນາໃຫ້ດີຂຶ້ນຢ່າງຕໍ່ເນື່ອງ.
ໃນໂອກາດດັ່ງກ່າວ, ຄະນະກອງທຶນໄດ້ເຂົ້າຮ່ວມປະຊຸມແລກປ່ຽນບົດຮຽນກັບ ສະຫະພັນສະຫະກອນກະສິກຳແຫ່ງຊາດ (NACF) ຫຼື NH Nonghyup ເຊິ່ງແມ່ນອົງກອນຕົວແບບດ້ານສະຫະກອນກະສິກຳທີ່ປະສົບຜົນສຳເລັດຢ່າງໂດດເດັ່ນຂອງປະເທດເກົາຫຼີໃຕ້. NACF ຖືກສ້າງຕັ້ງຂຶ້ນເພື່ອເປັນກົນໄກຫຼັກໃນການປົກປ້ອງສິດຜົນປະໂຫຍດ ແລະ ຍົກລະດັບຖານະທາງດ້ານເສດຖະກິດ, ສັງຄົມ ແລະ ວັດທະນະທຳຂອງຊາວກະສິກອນ ໂດຍມີຈຸດປະສົງສ້າງຄວາມເຂັ້ມແຂງໃຫ້ແກ່ຊາວກະສິກອນ ເພື່ອໃຫ້ສາມາດກຸ້ມຕົນເອງ ແລະ ພັດທະນາອາຊີບກະສິກຳໃຫ້ມີຄວາມຍືນຍົງ. NACF ມີຮູບແບບການບໍລິຫານທຶນໂດຍການຈັດສັນຜົນກຳໄລສຸດທິຈາກທຸລະກິດການເງິນຂອງ NongHyup Bank (ທະນາຄານສະຫະກອນກະສິກຳ, ທຸລະກິດໃນເຄືອຂອງ NACF) ໝູນວຽນກັບຄືນມາເປັນກອງທຶນສະໜັບສະໜູນ ເພື່ອໃຊ້ໃນການພັດທະນາໂຄງສ້າງພື້ນຖານຊົນນະບົດ, ການຄົ້ນຄວ້າເຕັກໂນໂລຊີໃໝ່ ແລະ ການຄຸ້ມຄອງຄວາມສ່ຽງທາງດ້ານລາຍໄດ້, ເຮັດໃຫ້ຊາວກະສິກອນໄດ້ຮັບຜົນປະໂຫຍດສູງສຸດຈາກລະບົບສະຫະກອນແບບຍືນຍົງ.

ພ້ອມນີ້, ຄະນະຍັງໄດ້ຮັບຟັງການນຳສະເໜີກ່ຽວກັບໂຄງສ້າງການດຳເນີນງານ, ກົນໄກການສະໜັບສະໜູນດ້ານການເງິນ ແລະ ບົດບາດຂອງ NongHyup Bank ໃນການສົ່ງເສີມພາກກະສິກຳ ໂດຍສະເພາະແມ່ນກົນໄກການຈັດສັນແຫຼ່ງທຶນດອກເບ້ຍຕ່ຳຂອງລັດຖະບານເກົາຫຼີ ທີ່ຊ່ວຍໃຫ້ສະຫະກອນ ແລະ ຊາວກະສິກອນ ສາມາດເຂົ້າເຖິງທຶນໃນຕົ້ນທຶນທີ່ເໝາະສົມ ຄວບຄູ່ກັບການສ້າງລະບົບນິເວດທຸລະກິດຄົບວົງຈອນ (ຕັ້ງແຕ່ການຜະລິດ, ການແປຮູບ, ການຕະຫຼາດ ຈົນເຖິງການຈຳໜ່າຍ) ເພື່ອສ້າງມູນຄ່າເພີ່ມ ແລະ ຫຼຸດຜ່ອນຄວາມສ່ຽງໃຫ້ແກ່ຊາວກະສິກອນ. ນອກຈາກນັ້ນ, ຄະນະຍັງໄດ້ສຶກສາຮຽນຮູ້ກ່ຽວກັບການນຳໃຊ້ລະບົບການບໍລິການທາງການເງິນແບບດິຈິຕອນຂອງ NongHyup Bank ໂດຍສະເພາະແມ່ນແອັບພລິເຄຊັນ NH CokBank ແລະ Smart Banking ທີ່ໃຫ້ບໍລິການແກ່ປະຊາຊົນຢ່າງກວ້າງຂວາງຫຼາຍກວ່າ 13 ລ້ານຄົນ ໂດຍມີການພັດທະນາລະບົບໃຫ້ສາມາດເຂົ້າເຖິງໄດ້ງ່າຍສຳລັບຜູ້ໃຊ້ທຸກກຸ່ມ ເປັນຕົ້ນແມ່ນຜູ້ສູງອາຍຸ ແລະ ຄົນຕ່າງປະເທດ ເຊິ່ງຖືເປັນບົດຮຽນອັນລ້ຳຄ່າສຳລັບການພັດທະນາການເງິນດິຈິຕອນໃນ ສປປ ລາວ. ພ້ອມດຽວກັນນັ້ນ, ຄະນະຜູ້ແທນຍັງໄດ້ເຂົ້າຢ້ຽມຊົມຫົວໜ່ວຍທຸລະກິດໃນເຄືອຂອງ NACF ເຊັ່ນ: Hanaro Mart ແລະ ຟາມກະສິກຳ Anseong Farmland ເພື່ອສຶກສາຮູບແບບການເຊື່ອມໂຍງລະຫວ່າງການຜະລິດ, ການຕະຫຼາດ ແລະ ການທ່ອງທ່ຽວກະສິກຳ ພ້ອມທັງໄດ້ທັດສະນະສຶກສາ ພິພິທະພັນກະສິກຳແຫ່ງຊາດ ເຮັດໃຫ້ໄດ້ຮັບບົດຮຽນຕົວຈິງກ່ຽວກັບປະຫວັດສາດການພັດທະນາພາກກະສິກຳ ແລະ ບົດບາດຂອງສະຫະກອນໃນການພັດທະນາຊົນນະບົດຂອງ ສາທາລະນະລັດ ເກົາຫຼີ ຕື່ມອີກ.

ການທັດສະນະສຶກສາ ແລະ ແລກປ່ຽນບົດຮຽນໃນຄັ້ງນີ້ ຖືວ່າບັນລຸຕາມຄາດໝາຍທີ່ວາງໄວ້ ໂດຍໄດ້ຊ່ວຍໃຫ້ຄະນະກອງທຶນ LAFF ໄດ້ຮັບຄວາມຮູ້ ແລະ ຄວາມເຂົ້າໃຈຢ່າງຮອບດ້ານ ກ່ຽວກັບການຄຸ້ມຄອງສະຫະກອນ, ການບໍລິຫານຈັດການແຫຼ່ງທຶນດອກເບ້ຍຕ່ຳ, ການນຳໃຊ້ເຄື່ອງມືບໍລິການທາງການເງິນດິຈິຕອນ ແລະ ການສ້າງຕ່ອງໂສ້ມູນຄ່າທາງການກະສິກຳ. ເຊິ່ງບົດຮຽນທີ່ຖອດຖອນໄດ້ທັງໝົດນີ້ ຈະເປັນບ່ອນອີງ ແລະ ເປັນປະໂຫຍດຢ່າງຍິ່ງ ທີ່ຈະນຳມາຜັນຂະຫຍາຍ ເຂົ້າໃນການປັບປຸງນະໂຍບາຍ, ກົນໄກການປ່ອຍສິນເຊື່ອ ແລະ ການພັດທະນາຜະລິດຕະພັນການເງິນດິຈິຕອນ ຂອງກອງທຶນ LAFF, ແນໃສ່ສົ່ງເສີມການເຂົ້າເຖິງແຫຼ່ງທຶນຂອງຊາວກະສິກອນ ແລະ ຜູ້ປະກອບການໃນ ສປປ ລາວ ໃຫ້ມີປະສິດທິຜົນ, ມີຄວາມເຂັ້ມແຂງ, ສາມາດກຸ້ມຕົນເອງ ແລະ ພັດທະນາອາຊີບໄດ້ຢ່າງຍືນຍົງ ຄືກັນກັບຕົວແບບຂອງສະຫະພັນສະຫະກອນກະສິກຳແຫ່ງຊາດ ເກົາຫຼີໃຕ້ ໃນອະນາຄົດ.

ພາບ-ຂ່າວ ໂດຍ: ນັນລະນີ ນາມນຸວົງ

13 Mar ແຈ້ງເຊີນບັນດາບໍລິສັດກວດສອບເຂົ້າຮ່ວມການສະເໜີລາຄາເພື່ອສະໜອງການບໍລິການການກວດສອບກອງທຶນສົ່ງເສີມການເຂົ້າເຖິງແຫຼ່ງທຶນໃນສປປລາວ (LAFF)

Posted at 03:55h in ແຈ້ງການ [social_share]

ກົມບໍລິການທະນາຄານ ທະນາຄານແຫ່ງ ສປປ ລາວ ຂໍຖືເປັນກຽດແຈ້ງມາຍັງບັນດາບໍລິສັດ ຊາບວ່າ: ກອງທຶນສົ່ງເສີມການເຂົ້າເຖິງແຫຼ່ງທຶນໃນ ສປປ ລາວ ຈະໄດ້ມີການເປີດຮັບ ໜັງສືສະແດງເຈດຈຳນົງໃນການສະໜອງການບໍລິການກວດສອບສໍາລັບ ກອງທຶນສົ່ງເສີມການເຂົ້າເຖິງແຫຼ່ງທຶນໃນ ສປປ ລາວ (Lao Access to Finance Fund- LAFF) ປະຈໍາປີ 2025, ເຊິ່ງຜູ້ທີ່ສົນໃຈເຂົ້າຮ່ວມ ຕ້ອງມີມາດຕະຖານ-ເງື່ອນໄຂ ດັ່ງນີ້:

1. ມີໃບທະບຽນວິສາຫະກິດ ທີ່ຖືກຕ້ອງ ແລະ ນໍາໃຊ້ໄດ້ໃນປັດຈຸບັນ;

2. ມີໃບອະນຸຍາດດໍາເນີນທຸລະກິດ ທີ່ອອກໂດຍຂະແໜງການກ່ຽວຂ້ອງ ຢ່າງຖືກຕ້ອງ;

3. ມີເອກະສານຢັ້ງຢືນການປະຕິບັດພັນທະອາກອນ ຂອງສົກປີ 2024-2025 ແລະ ພັນທະອື່ນໆ ຕໍ່ລັດຖະບານຕາມລະບຽບກົດໝາຍ;

4. ມີປະສົບການ ແລະ ຜົນງານໃນການເຄື່ອນໄຫວທຸລະກິດກວດສອບ ຢ່າງໜ້ອຍ 5 ປີ ຂື້ນໄປ;

5. ຕ້ອງຈັດສັນພະນັກງານຂອງຕົນລົງກວດກາຕົວຈິງ ຢ່າງເປັນປະຈໍາ ຕະຫຼອດໄລຍະເວລາຕາມທີ່ກໍານົດ ເພື່ອຮັບປະກັນ ໃຫ້ສາມາດຈັດຕັ້ງປະຕິບັດວຽກງານສໍາເລັດຕາມກອບເວລາ ທີ່ກໍານົດໄວ້;

6. ບໍລິສັດທີ່ມີຄວາມສົນໃຈໃນການສະໜອງການບໍລິການກວດສອບ ຕ້ອງເປັນບໍລິສັດທີ່ດໍາເນີນທຸລະກິດສອດ ຄ່ອງຕາມລະບຽບກົດໝາຍຂອງ ສປປ ລາວ.

ໝາຍເຫດ:

1. ບໍລິສັດທີ່ມີຄວາມສົນໃຈ ສາມາດສົ່ງ ໜັງສືສະແດງເຈດຈຳນົງ ປະກອບດ້ວຍ: ຂໍ້ສະເໜີດ້ານລາຄາ, ປະສົບການໃນການໃຫ້ບໍລິການ, ຂອບເຂດການກວດສອບ ແລະ ໄລຍະເວລາການກວດສອບ ມາຍັງກົມບໍລິການທະນາຄານ ທຫລ ຕັ້ງຢູ່ບ້ານຊຽງຍືນ, ເມືອງຈັນທະບູລີ, ນະຄອນຫຼວງວຽງຈັນ, ໃນໂມງລັດຖະການກ່ອນວັນທີ 27 ມີນາ2026;

2. ການຊໍາລະຄ່າກວດສອບ ແລະ ອາກອນ ແມ່ນຈະຊໍາລະເປັນເງິນກີບເທົ່ານັ້ນ;

ສາມາດດາວໂຫຼດ TOR ໄດ້ທີ່ Link:” 3.-Terms-of-Reference.pdf ” ຫຼື ສອບຖາມຂໍ້ມູນເພີ່ມຕື່ມ ຕິດຕໍ່ ທ່ານນ. ສ້ອຍສຸວັນ ສີບໍລີບູນ 020 22440559.

ດັ່ງນັ້ນ, ຈື່ງແຈ້ງມາຍັງທ່ານເພື່ອຊາບ ແລະ ເຂົ້າຮ່ວມປະກວດລາຄາດັ່ງກ່າວດ້ວຍ.

16 Feb ກອງທຶນສົ່ງເສີມການເຂົ້າເຖິງແຫຼ່ງທຶນ ໃນ ສປປ ລາວ (LAFF)ຮ່ວມກັບຊ່ຽວຊານສາກົນ ຊຸກຍູ້ວຽກງານ ການເງິນດິຈິຕອນ (Digital Finance)ແລະ ການເງິນຜ່ານມືຖື (Mobile Money)ໃຫ້ແກ່ສະຖາບັນການເງິນທີ່ເປັນຄູ່ຮ່ວມງານຂອງກອງທຶນ (PFIs)

Posted at 08:13h in Uncategorized, News [social_share]

ກອງທຶນສົ່ງເສີມການເຂົ້າເຖິງແຫຼ່ງທຶນ ໃນ ສປປ ລາວ (LAFF), ໄດ້ສຳເລັດການເຄື່ອນໄຫວວຽກງານວິຊາການທີ່ສຳຄັນ ເພື່ອຍົກລະດັບການບໍລິການທາງການເງິນໃຫ້ທັນສະໄໝ ລະຫວ່າງວັນທີ 26 ມັງກອນ ຫາ 13 ກຸມພາ 2026 ທີ່ຜ່ານມາ.

ການເຄື່ອນໄຫວໃນຄັ້ງນີ້ ແມ່ນສ່ວນໜຶ່ງຂອງ ໂຄງການລະບົບອາຫານກະສິກຳແບບຍືນຍົງ (SASSP) ພາຍໃຕ້ກອບການຊ່ວຍເຫຼືອດ້ານວິຊາການຂອງຈາກ ທະນາຄານພັດທະນາອາຊີ (ADB). ໃນຄັ້ງນີ້ ບໍລິສັດທີ່ປຶກສາປະຈຳໂຄງການ GOPA-AFC ແລະ ທີມງານ ຂອງກອງທຶນ LAFF ໄດ້ລົງເຮັດວຽກຢ່າງໃກ້ຊິດກັບ ສະຖາບັນການເງິນທີ່ເປັນຄູ່ຮ່ວມງານ (PFIs) ຂອງກອງທຶນ LAFF ແຕ່ລະແຫ່ງ.

ຈຸດປະສົງຂອງການເຄື່ອນໄຫວໃນຄັ້ງນີ້ແມ່ນ ເພືີ່ອຊ່ວຍສະຖາບັນການເງິນທີ່ເປັນຄູ່ຮ່ວມງານຂອງກອງທຶນ LAFF ໃນການຂະຫຍາຍຮູບແບບການໃຫ້ບໍລິການດ້ານການເງິນຜ່ານຊ່ອງທາງອອນລາຍ ໂດຍຈະມີການປະເມີນສະພາບຕະຫຼາດ,ການນຳໃຊ້ ການເງິນຜ່ານມືຖື (Mobile Money) ແລະ ການເງິນດິຈິຕອນ(Digital Finance) ໃນ ສປປ ລາວ ຢ່າງຮອບດ້ານ, ພ້ອມທັງວິເຄາະອຸປະສັກ ແລະ ຄວາມທ້າທາຍດ້ານເຕັກໂນໂລຊີ ຂອງແຕ່ລະສະຖາບັນການເງິນ ເພື່ອເປັນພື້ນຖານໃນການສ້າງແຜນຍຸດທະສາດ ແລະ ແຜນການນຳໃຊ້ Mobile Money ໃຫ້ເໝາະສົມກັບບໍລິບົດຂອງສະຖາບັນການເງິນຂອງຕົນ, ພ້ອມທັງ ປຶກສາຫາລື ແລະ ວາງແນວທາງການນຳໃຊ້ລະບົບການເງິນຜ່ານໂທລະສັບມືຖື ເພື່ອເປັນຊ່ອງທາງໃນການຮັບ-ຈ່າຍເງິນກູ້ ທີ່ສະດວກສະບາຍໃຫ້ແກ່ລູກຄ້າ, ໂດຍສະເພາະແມ່ນຜູ້ທີ່ຢູ່ໃນເຂດຫ່າງໄກສອກຫຼີກ ໃຫ້ສາມາດເຂົ້າເຖິງແຫຼ່ງທຶນໄດ້ງ່າຍຂຶ້ນ.

ການເຄື່ອນໄຫວໃນຄັ້ງນີ້ ຖືເປັນບາດກ້າວອັນສຳຄັນຂອງກອງທຶນ LAFF ໃນການສ້າງຄວາມເຂັ້ມແຂງດ້ານການນຳໃຊ້ Digital Finance ແລະ Mobile Money, ພ້ອມທັງຊ່ວຍໃຫ້ PFIs ສາມາດຫຼຸດຜ່ອນຕົ້ນທຶນການດຳເນີນງານ ແລະ ສາມາດຂະຫຍາຍການບໍລິການໄປສູ່ກຸ່ມເປົ້າໝາຍໄດ້ຢ່າງກວ້າງຂວາງກວ່າເກົ່າ.

09 Feb ກອງທຶນສົ່ງເສີມການເຂົ້າເຖິງແຫຼ່ງທຶນ ໃນ ສປປ ລາວ (LAFF)ເຂົ້າຮ່ວມພິທີເປີດ ສາຂາແຂວງຫົວພັນ ຂອງສະຖາບັນການເງິນຈຸລະພາກທີ່ຮັບເງິນຝາກ ຈໍາປາລາວ, ພ້ອມທັງສາມາດບັນລຸການສະໜອງແຫຼ່ງທຶນກວມເອົາ 18 ແຂວງທົ່ວປະເທດ

Posted at 09:16h in News [social_share]

ກອງທຶນສົ່ງເສີມການເຂົ້າເຖິງແຫຼ່ງທຶນ ໃນ ສປປ ລາວ (LAFF) ເຂົ້າຮ່ວມພິທີເປີດ ສາຂາແຂວງຫົວພັນ ຂອງສະຖາບັນການເງິນຈຸລະພາກທີ່ຮັບເງິນຝາກ ຈໍາປາລາວ, ພ້ອມທັງສາມາດບັນລຸການສະໜອງແຫຼ່ງທຶນກວມເອົາ 18 ແຂວງທົ່ວປະເທດ

ໃນຕອນບ່າຍຂອງວັນທີ 05 ກຸມພາ 2026, ສະຖາບັນການເງິນຈຸລະພາກທີ່ຮັບເງິນຝາກ (ສກຈຮ) ຈຳປາລາວ ເຊິ່ງເປັນຄູ່ຮ່ວມງານຂອງທຶນ LAFF ນັບແຕ່ປີ 2021 ເປັນຕົ້ນມາ ໄດ້ຈັດພິທີເປີດໃຫ້ບໍລິການສາຂາແຂວງຫົວພັນຢ່າງເປັນທາງການຂຶ້ນ ໂດຍມີຕົວແທນຈາກທີມງານກອງທຶນ LAFF ເຂົ້າຮ່ວມໃນພິທີດັ່ງກ່າວ.

ການເປີດສາຂາໃໝ່ໃນຄັ້ງນີ້ເປັນການຂະຫຍາຍຕາໜ່າງການບໍລິການເຂົ້າສູ່ແຂວງທີ 18 ຂອງກອງທຶນ LAFF ແລະ ເປັນອີກຊ່ອງທາງໜຶ່ງສຳຄັນທີ່ຊ່ວຍສົ່ງເສີມໃຫ້ການສະໜອງແຫຼ່ງທຶນ ກວມເອົາທຸກແຂວງທົ່ວປະເທດ (ທີ່ຜ່ານມາ 7 ສະຖາບັນການເງິນທີ່ເປັນຄູ່ຮ່ວມງານຂອງກອງທຶນ LAFF ແມ່ນສາມາດສະໜອງເງິນກູ້ກວມ 17 ແຂວງທົ່ວປະເທດ ຈາກທັງໝົດ 18 ແຂວງ ໃນນັ້ນແມ່ນຍັງແຂວງຫົວພັນ ຍັງບໍ່ມີການປ່ອຍກູ້ເທື່ອ). ດັ່ງນັ້ນ, ການເຄື່ອນໄຫວໃນຄັ້ງນີ້ ຈຶ່ງເປັນອີກຊ່ອງທາງໜຶ່ງທີ່ສຳຄັນທີ່ຈະຊ່ວຍສົ່ງເສີມໃຫ້ຜູ້ປະກອບການລາຍຍ່ອຍ ແລະ ປະຊາຊົນໃນແຂວງຫົວພັນ ສາມາດເຂົ້າເຖິງແຫຼ່ງທຶນທີ່ມີຄຸນນະພາບ ເພື່ອຊຸກຍູ້ການຜະລິດ, ສ້າງອາຊີບ ແລະ ຍົກລະດັບຊີວິດການເປັນຢູ່ໃຫ້ດີຂຶ້ນ, ທັງເປັນການປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງຊາດຢ່າງຍືນຍົງ.

12 Dec ທຫລ ຈັດກອງປະຊຸມ ສະຫຼຸບຜົນສໍາເລັດ ການຈັດຕັ້ງປະຕິບັດວຽກງານຂອງ ກອງທຶນສົ່ງເສີມການເຂົ້າເຖິງ ແຫຼ່ງທຶນໃນ ສປປ ລາວ ໄລຍະທີ 2.

Posted at 08:02h in Uncategorized, News [social_share]

“Project Completion Meeting on Implementation of Microfinance in Rural Areas for Lao Access to Finance Fund_ LAFF Phase II”.

ໃນວັນທີ 12 ທັນວາ 2025 ທີ່ໂຮງແຮມຄຣາວພ່າຊ່າ ໄດ້ຈັດກອງປະຊຸມ ສະຫຼຸບຜົນສໍາເລັດ ການຈັດຕັ້ງປະຕິບັດວຽກງານຂອງ ກອງທຶນສົ່ງເສີມການເຂົ້າເຖິງ ແຫຼ່ງທຶນໃນ ສປປ ລາວ ໄລຍະທີ 2 ຂຶ້ນ ໂດຍການເປັນປະທານຮ່ວມລະຫວ່າງ ທ່ານ ອາລຸນ ບຸນຍົງ ຮອງຜູ້ວ່າການ ທຫລ, ຫົວໜ້າຄະນະຊີ້ນໍາລວມກອງທຶນສົ່ງເສີມການເຂົ້າເຖິງແຫຼ່ງທຶນໃນ ສປປ ລາວ ແລະ ທ່ານ ອູນລິກ ແກຣິງເກີ, ຫົວໜ້າການຮ່ວມມືເພື່ອການພັດທະນາ, ສະຖານທູດແຫ່ງສາທາລະນະລັດ ສະຫະພັນເຍຍລະມັນ, ນະຄອນຫຼວງວຽງຈັນ. ກອງປະຊຸມໃນຄັ້ງນີ້ ໄດ້ມີບັນດາພາກສ່ວນທີ່ກ່ຽວຂ້ອງເຂົ້າຮ່ວມຢ່າງພ້ອມພຽງມີ ຜູ້ອໍານວຍການໃຫຍ່ ທະນາຄານເພື່ອການພັດທະນາຂອງປະເທດເຍຍລະມັນ ປະຈຳປະເທດລາວ, ຫວຽດນາມ ແລະ ກຳປູເຈຍ, ບັນດາທ່ານຫົວໜ້າກົມ, ຮອງຫົວໜ້າກົມ ທີ່ປະກອບໃນຄະນະຊີ້ນໍາລວມກອງທຶນສົ່ງເສີມການເຂົ້າເຖິງແຫຼ່ງທຶນໃນ ສປປ ລາວ ຕາງໜ້າຈາກກະຊວງກ່ຽວຂ້ອງ ແລະ ຕາງໜ້າຈາກອົງການຈັດຕັ້ງສາກົນ, ຄະນະອໍານວຍການທະນາຄານທຸລະກິດ ແລະ ສາຖາບັນການເງິນທີ່ບໍ່ແມ່ນທະນາຄານ ເຂົ້າຮ່ວມທັງໝົດຫຼາຍກວ່າ 40 ທ່ານ.

ຈຸດປະສົງຕົ້ນຕໍຂອງກອງປະຊຸມໃນຄັ້ງນີ້ແມ່ນເພື່ອເປັນການສະຫຼຸບຜົນສຳເລັດການຈັດຕັ້ງປະຕິບັດວຽກງານຜ່ານມາຂອງກອງທຶນສົ່ງເສີມການເຂົ້າເຖິງແຫຼ່ງທຶນໃນ ສປປ ລາວ (ກອງທຶນ LAFF) ຊຶ່ງເປັນກອງທຶນທີ່ໄດ້ຮັບເງິນຊ່ວຍເຫຼືອລ້າຈາກລັດຖະບານເຢຍລະມັນ ເປັນຜູ້ໃຫ້ທຶນ ໂດຍຜ່ານທະນາຄານ ເພື່ອການພັດທະນາຂອງປະເທດເຢຍລະມັນ (KfW Development Bank) ແລະ ລັດຖະບານ ສປປ ລາວ ຕາງໜ້າໂດຍກະຊວງການເງິນ ໃນນາມເປັນຜູ້ຮັບທຶນ ແລະ ດໍາເນີນງານພາຍໃຕ້ການຄຸ້ມຄອງ ແລະ ບໍລິຫານ ຂອງທະນາຄານແຫ່ງ ສປປ ລາວ ນັບແຕ່ເດືອນ ມີນາ ປີ 2014 ເປັນຕົ້ນມາ, ທຶນທີ່ໄດ້ຮັບທັງໝົດແມ່ນມີ 2 ໄລຍະ ລວມທັງໝົດຈໍານວນ 10.6 ລ້ານເອີໂຣ, ໃນນັ້ນ ຈຳນວນ 9 ລ້ານເອີໂຣ ເປັນທຶນປ່ອຍກູ້ໃຫ້ຫົວໜ່ວຍຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ (MSMEs) ໂດຍຜ່ານ ສະຖາບັນການເງິນທີ່ເຂົ້າຮ່ວມໂຄງການ ແລະ ຈຳນວນ 1.6 ລ້ານເອີໂຣ ແມ່ນນໍາໃຊ້ສໍາລັບວຽກງານສ້າງຄວາມເຂັ້ມແຂງດ້ານວິຊາການໃຫ້ແກ່ພະນັກງານກອງທຶນ ເເລະ ສະຖາບັນການເງິນທີ່ເຂົ້າຮ່ວມ;

ໃນກອງປະຊຸມ ຄະນະປະທານກອງປະຊຸມ ໄດ້ຕີລາຄາສູງຕໍ່ຜົນສຳເລັດການຈັດຕັ້ງປະຕິບັດໂຄງການຊຶ່ງດຳເນີນໄປຢ່າງມີປະສິດທິພາບ ແລະ ບັນລຸຕາມຈຸດປະສົງ ທີ່ທາງຜູ້ໃຫ້ທຶນກໍານົດໄວ້ ສະແດງອອກຈາກບັນດາຕົວຊີ້ວັດ ເປັນຕົ້ນ: ມີ 7 ສະຖາບັນການເງິນທີ່ເປັນຄູ່ຮ່ວມງານ, ກວມເອົາ 18 ແຂວງທົ່ວປະເທດ, ຍອດສິນເຊື່ອສະສົມ 537.21 ຕື້ກີບ, ໜີ້້ NPLs 0.69%, ສິນເຊື່ອໃຫ້ຂະແໜງກະສິກໍາ ກວມເອົາ 46.83%, ການປ່ອຍກູ້ໃຫ້ເພດຍິງ ກວມເອົາ 57.49%.

ນອກຈາກນີ້, ທີ່ປະຊຸມຍັງໄດ້ຮັບຟັງການນໍາສະເໜີ ຈາກຕາງໜ້າສະຖາບັນການເງິນທີ່ເປັນຄູ່ຮ່ວມງານ ກ່ຽວກັບການນຳໃຊ້ເງິນທຶນທີ່ໄດ້ຮັບຈາກກອງທຶນ LAFF ທີ່ຜ່ານມາ, ພ້ອມທັງໄດ້ມີການແລກປ່ຽນຄໍາຄິດຄໍາເຫັນ ເຊິ່ງກັນ ແລະ ກັນ ທີ່ເປັນປະໂຫຍດໃນການປັບປຸງວຽກງານໃນໂຄງການດັ່ງກ່າວ ເພື່ອເປັນການກໍານົດທິດທາງການດໍາເນີນວຽກງານ ໃຫ້ສາມາດຈັດຕັ້ງປະຕິບັດໄດ້ຢ່າງມີປະສິດທິພາບ ແລະ ຍືນຍົງ.

ພ້ອມນັ້ນ, ໃນກອງປະຊຸມຍັງໄດ້ມີວາລະມອບ-ຮັບໂຄງການ ຢ່າງເປັນທາງການ ຈາກ ທະນາຄານເພື່ອການພັດທະນາຂອງປະເທດເຍຍລະມັນ ຕາງໜ້າໂດຍທ່ານ ດາເນວ ແພນເກີແມນ, ຜູ້ອໍານວຍການໃຫຍ່ ທະນາຄານເພື່ອການພັດທະນາຂອງປະເທດເຍຍລະມັນ ປະຈຳປະເທດລາວ, ຫວຽດນາມ ແລະ ກໍາປູເຈຍ ຂຶ້ນກ່າວມອບ, ສໍາລັບທະນາຄານແຫ່ງ ສປປ ລາວ ຕ່າງໜ້າຂຶ້້ນກ່າວຮັບໂດຍ ທ່ານ ເພັດສະຖາພອນ ແກ້ວວົງວິຈິດ ຫົວໜ້າກົມບໍລິການທະນາຄານ ເພື່ອສືບຕໍ່ຈັດຕັ້ງປະຕິບັດວຽກງານສົ່ງເສີມການເຂົ້າເຖິງແຫຼ່ງທຶນໃນເຂດຊົນນະບົດ ແລະ ໄດ້ຖືໂອກາດນີ້ ມອບໃບຍ້ອງຍໍ ຂັ້ນຜູ້ວ່າການທະນາຄານແຫ່ງ ສປປ ລາວ ເພື່ອເປັນການສະແດງຄວາມຮູ້ບຸນຄຸນຢ່າງສູງຕໍ່ ທະນາຄານເພື່ອການພັດທະນາຂອງປະເທດເຍຍລະມັນ ທີ່ໄດ້ໃຫ້ການຮ່ວມມື, ຊ່ວຍເຫຼືອ ເປັນຂົວຕໍ່ປະສານງານ ໃນການສະໜອງແຫຼ່ງທຶນ ແລະ ສ້າງຄວາມເຂັ້ມແຂງໃຫ້ແກ່ການຄຸ້ມຄອງບໍລິຫານກອງທຶນ LAFF ຕະຫຼອດໄລຍະຜ່ານມາ.
ໃນຕອນທ້າຍຂອງກອງປະຊຸມ, ທ່ານ ຮອງຜູ້ວ່າການ ທະນາຄານແຫ່ງ ສປປ ລາວ ໄດ້ສະແດງຄວາມຂອບໃຈ ເປັນຢ່າງສູງແກ່ ລັດຖະບານ ສ. ເຢຍລະມັນ ກໍ່ຄື KfW ທີ່ໄດ້ໃຫ້ການສະໜັບໜູນໃນຫຼາຍໆດ້ານເປັນຕົ້ນດ້ານທຶນ, ຄັດເລືອກຊ່ຽວຊານທີ່ປຶກສາ, ຖ່າຍຖອດບົດຮຽນ ແລະ ປະສົບການ ໃຫ້ແກ່ພະນັກງານຂອງ ທຫລ ແລະ ບັນດາສະຖາບັນການເງິນທີ່ເປັນຄູ່ຮ່ວມງານ, ເຖິງວ່າໂຄງການຈະສິ້ນສຸດຮັບການຊ່ວຍເຫຼືອຈາກທາງ ລັດຖະບານ ສ. ເຢຍລະມັນ ກໍ່ຄື KfW ກໍ່ຕາມ ທຫລ ຈະສືບຕໍ່ຊອກຫາແຫຼ່ງທຶນທີ່ມີເງື່ອນໄຂ ເພື່ອສືບຕໍ່ເຄື່ອນໄຫວວຽກງານຂອງກອງທຶຶນໃຫ້ມີຄວາມຍືນຍົງ, ມີການຄຸ້ມຄອງທີ່ດີ, ມີປະສິດທິຜົນ ຕາມຈຸດປະສົງ ແລະ ຄາດໝາຍທີ່ກໍານົດໄວ້.

ພາບ-ຂ່າວ ໂດຍ: LAFF

07 Dec ກອງທຶນສົ່ງເສີມການເຂົ້າເຖິງແຫຼ່ງທຶນໃນ ສປປ ລາວ (Lao Access to Finance Fund _LAFF) ສໍາເລັດ ການໄປທັດສະນະສຶກສາແລກປ່ຽນບົດຮຽນ ຢູ່ ທະນາຄານເພື່ອການພັດທະນາທຸລະກິດຂະໜາດນ້ອຍ ແລະ ກາງ ມາເລເຊຍ (SME Bank Malaysia) ທີ່ ປະເທດມາເລເຊຍ ໃນລະຫວ່າງວັນທີ 03-06ທັນວາ2025

Posted at 15:30h in Uncategorized, News [social_share]

ໃນລະຫວ່າງວັນທີ 03-06 ທັນວາ 2025 ຜ່ານມານີ້, ກອງທຶນ LAFF ໄດ້ສໍາເລັດການທັດສະນະສຶກສາແລກປ່ຽນບົດຮຽນ ຢູ່ ທະນາຄານເພື່ອການພັດທະນາທຸລະກິດຂະໜາດນ້ອຍ ແລະ ກາງ ມາເລເຊຍ (SME Bank Malaysia) ແຂວງ ກົວລາລຳເປີ ປະເທດມາເລເຊຍ, ນໍາພາໂດຍ ທ່ານ ເພັດສະຖາພອນ ແກ້ວວົງວິຈິດ ຫົວໜ້າກົມບໍລິການທະນາຄານ, ທະນາຄານແຫ່ງ ສປປ ລາວ ທັງເປັນຜູ້ອໍານວຍການກອງທຶນ LAFF, ການໄປທັດສະນະສຶກສາໃນຄັ້ງນີ້ປະກອບມີ ຄະນະຊີ້ນໍາລວມກອງທຶນ ຈຳນວນ 4 ທ່ານ, ໜ່ວຍງານຄຸ້ມຄອງ ແລະ ບໍລິຫານກອງທຶນ ຈຳນວນ 4 ທ່ານ ແລະ ພະນັກງານວິຊາການ ກົມບໍລິການທະນາຄານ ພະແນກຄຸ້ມຄອງໜີ້ສິນ ຈຳນວນ 1 ທ່ານ ລວມທັງໝົດ ຈໍານວນ 09 ທ່ານ.

ຈຸດປະສົງຂອງການໄປທັດສະນະສຶກສາແລກປ່ຽນບົດຮຽນໃນຄັ້ງນີ້ ແມ່ນໜຶ່ງໃນວຽກງານສ້າງຄວາມເຂັ້ມແຂງໃຫ້ແກ່ ຄະນະຄຸ້ມຄອງ ແລະ ບໍລິຫານກອງທຶນ LAFF ເພື່ອເພີ່ມທະວີຄວາມອາດສາມາດໃຫ້ແກ່ພະນັກ ງານ ແລະ ຄະນະຜູ້ທີ່ຮັບຜິດຊອບວຽກງານຄຸ້ມຄອງ ແລະ ບໍລິຫານກອງທຶນ ໄດ້ນໍາເອົາບົດຮຽນທີ່ສໍາຄັນ ມາປັບໃຊ້ເຂົ້າໃນວຽກງານຄຸ້ມຄອງ ແລະ ບໍລິຫານກອງທຶນ ໃຫ້ມີປະສິດທິພາບ ແລະ ປະສິດທິຜົນ ໃຫ້ດີຂຶ້ນໃນຕໍ່ໜ້າ.

ຄະນະຄະນະຄຸ້ມຄອງ ແລະ ບໍລິຫານກອງທຶນ LAFF ໄດ້ມີໂອກາດເຂົ້າຢ້ຽມຢາມ ແລະ ແລກປ່ຽນບົດຮຽນຢູ່ສຳນັກງານໃຫຍ່ SME Bank Malaysia, ເຊິ່ງໃຫ້ກຽດຕ້ອນຮັບໂດຍ ທ່ານ Hamdan Mohd Habibollah ຮັກສາການຫົວໜ້າຝ່າຍກົນລະຍຸດ ພ້ອມດ້ວຍຄະນະບໍລິຫານງານຂອງ SME Bank Malaysia, ຊຶ່ງທາງຄະນະໄດ້ຮັບຟັງການບັນຍາຍກ່ຽວກັບພາບລວມ, ບົດບາດ, ແນວທາງການເຮັດວຽກ ແລະ ຜະລິດຕະພັນທາງການເງິນ ຢ່າງຕັ້ງໃຈ.

ທະນາຄານ SME Bank Malaysia ເປັນສະຖາບັນການເງິນສະເພາະກິດຂອງລັດຖະບານມາເລເຊຍ ທີ່ສ້າງຕັ້ງຂຶ້ນໂດຍລັດຖະບານໃນປີ 2005 ມີພາລະບົດບາດສໍາຄັນໃນການສົ່ງເສີມພັດທະນາ SMEs ແບບຄົບວົງຈອນ, ສະໜອງແຫຼ່ງທຶນ ແລະ ສະໜັັບສະໜູນຜູ້ປະກອບການ SMEs ໃນ 3 ຂະແໜງການຫຼັກກໍ່ຄື ການຜະລິດອຸດສາຫະກໍາ, ການບໍລິການ ແລະ ການກໍ່ສ້າງ ເພື່ອໃຫ້ສອດຄ່ອງກັບທິດທາງລວມຂອງປະເທດ, ມີການເຊື່ອມໂຍງຕະຫຼາດພາຍໃນ ແລະ ຕ່າງປະເທດ ພ້ອມທັງ ຮ່ວມມືກັບຄູ່ຮ່ວມງານໃນການສ້າງຄວາມເຂັ້ມແຂງໃຫ້ແກ່ຜູ້ປະກອບການ ການສົ່ງເສີມການເຂົ້າເຖິງແຫຼ່ງທຶນຂອງຜູ້ປະກອບການ ທີ່ເປັນວິສາຫະກິດຂະໜາດນ້ອຍ ແລະ ຂະໜາດກາງ (SMEs) ໂດຍບໍ່ໄດ້ມຸ່ງເນັ້ນການສະແຫວງຫາຜົນກຳໄລ ແຕ່ຍັງໃຫ້ຄວາມສຳຄັນຕໍ່ການປະກອບສ່ວນພັດທະນາເສດຖະກິດ, ສັງຄົມ ແລະ ສິ່ງແວດລ້ອມ, ບົດບາດຂອງການສະໜັບສະໜູນທາງການເງິນຄວບຄູ່ກັບການຕິດຕາມ ແລະ ການພັດທະນາທາງທຸລະກິດ ເພື່ອໃຫ້ SMEs ສາມາດເຕີບໂຕໄດ້ຢ່າງໝັ້ນຄົງ ແລະ ຍືນຍົງໃນໄລຍະຍາວ.

ພ້ອມກັນນັ້ນ, ຄະນະ ຍັງໄດ້ເຂົ້າພົບ ກັບລູກຄ້າຕົວແບບຂອງ SME Bank ເຊິ່ງເປັນລູກຄ້າ SMEs ທີ່ໄດ້ຮັບສິນເຊື່ອຈາກ SME Bank Malaysia ມູນຄ່າປະມານ 20 ລ້ານໂດລາສະຫະລັດ ເພື່ອນໍາໄປໃຊ້ໃນການຂະຫຍາຍກໍາລັງການຜະລິດ, ພັດທະນາເຕັກໂນໂລຊີ, ປັບປຸງມາດຕະຖານການຜະລິດ ແລະ ສົ່ງເສີມການແຂ່ງຂັນໃນຕະຫຼາດສາກົນ ໄດ້ແກ່ ບໍລິສັດ Agro 19 Berhad ເປັນບໍລິສັດຮັບກັ່ນ, ບັນຈຸ ແລະ ຈໍາໜ່າຍນໍ້າມັນພືດໂດຍເນັ້ນຕະຫຼາດພາຍໃນມາເລເຊຍ ແລະ ສົ່ງອອກໄປຕ່າງປະເທດຫຼາຍກວ່າ 20 ປະເທດທົ່ວໂລກ, ຊຶ່ງມີຜະລິດຕະພັນຫຼາກຫຼາຍ ເຊັ່ນ: ນ້ຳມັນໝາກພ້າວ, ນ້ຳມັນດອກຕາເວັນ, ນ້ຳມັນປາມ, ໄຂມັນພືດ, ເນີຍ, ເຂົ້າໜົມປັງ, ຄຣີມ, ເຄື່ອງປຸງ ແລະ ອື່ນໆ.

ຄະນະຍັງໄດ້ໄປຢ້ຽມຢາມ ໜ່ວຍງານພັດທະນາຜູ້ປະກອບການແຫ່ງຊາດ ຈຳກັດ (PUNB) ໃຫ້ກຽດຕ້ອນຮັບໂດຍ ທ່ານ Fauzi Zakaria ຜູ້ຈັດການຝ່າຍປະຕິບັດງານຂອງອົງກອນ ພ້ອມດ້ວຍຄະນະບໍລິຫານງານ, PUNB ເປັນ ໜ່ວຍງານພັດທະນາຜູ້ປະກອບການຢ່າງຄົບວົງຈອນ ດຳເນີນງານພາຍໃຕ້ມູນລະນິທິການລົງທຶນຂອງລັດຖະບານມາເລເຊຍ ມີບົດບາດສຳຄັນໃນການສົ່ງເສີມ ແລະ ພັດທະນາຜູ້ປະກອບການກຸ່ມຄົນ Bumiputera ມາຢ່າງຕໍ່ເນື່ອງຫຼາຍກວ່າ 30 ປີ ພາຍໃຕ້ການຕິດຕາມຢ່າງໃກ້ຊິດ ແລະ ໄດ້ຮັບການສະໜັບສະໜຸນດ້ານນະໂຍບາຍຈາກລັດຖະ ບານມາເລເຊຍ.

ໜ່ວຍງານPUNB ດຳເນີນງານພາຍໃຕ້ວິໄສທັດ ການເປັນອົງກອນແນວໜ້າ ດ້ານການພັດທະນາຜູ້ປະກອບການ ໂດຍໃຫ້ຄວາມສຳຄັນ ກັບການສ້າງຂີດຄວາມສາມາດໃຫ້ແກ່ຜູ້ປະກອບການ ເພື່ອສາມາດແຂ່ງຂັນໄດ້ຢ່າງຍືນຍົງ ຄວບຄູ່ກັບການສະໜັບສະໜູນດ້ານອະສັງຫາລິມະຊັບໃນການເປີດກວ້າງ ແລະ ເພີ່ມໂອກາດໃຫ້ຜູ້ປະກອບການສາມາດດຳເນີນທຸລະກິດໃນສະຖານທີ່ ທີ່ເໝາະສົມ ແລະ ພັດທະນາສັກກະຍະພາບຂອງຜູ້ປະກອບການໃຫ້ສາມາດແຂ່ງຂັນໄດ້ຢ່າງຍືນຍົງ.

ນອກຈາກການແລກປ່ຽນທາງວິຊາການແລ້ວທາງຄະນະຍັງໄດ້ເຂົ້າຢ້ຽມຊົມ ພິພິທະພັນ ແລະ ຫໍສະແດງສິນລະປະຂອງ ທະນາຄານກາງມາເລເຊຍ (Bank Negara Malaysia Museum and Art Gallery) ເພື່ອສຶກສາ ແລະ ຮຽນຮູ້ກ່ຽວກັບວິວັດທະນາການຂອງລະບົບເສດຖະກິດ ແລະ ລະບົບການເງິນຂອງປະເທດມາເລເຊຍ ຕັ້ງແຕ່ອະດີດຈົນເຖິງປັດຈຸບັນ, ໃນການຢ້ຽມຊົມ ຄະນະໄດ້ຢ້ຽມຢາມຫ້ອງວາງສະແດງດ້ານເສດຖະກິດ ແລະ ເງິນຕາ ເພື່ອເຂົ້າໃຈບົດບາດ ແລະ ໜ້າທີ່ຂອງທະນາຄານກາງມາເລເຊຍໃນການດຳເນີນນະໂຍບາຍທາງດ້ານການເງິນ, ການຮັກສາສະຖຽນລະພາບທາງການເງິນ ລວມເຖິງ ວິວັດທະນາການຂອງເງິນຕາມາເລເຊຍໃນແຕ່ລະ

ການທັດສະນະສຶກສາ ໃນວຽກງານສ້າງຄວາມເຂັ້ມແຂງ ໃຫ້ແກ່ກອງທຶນ ໃນຄັ້ງນີ້ ເຫັນວ່າ ຄະນະໄດ້ຮັບຄວາມຮູ້ ແລະ ຄວາມເຂົ້າໃຈຢ່າງຮອບດ້ານ ກ່ຽວກັບແນວທາງການດໍາເນີນງານຂອງທະນາຄານເພື່ອການພັດທະນາທຸລະກິດຂະໜາດນ້ອຍ ແລະ ກາງ ຂອງ ປະເທດມາເລເຊຍ (SME Bank Malaysia) ແລະ ໜ່ວຍງານພັດທະນາຜູ້ປະກອບການແຫ່ງຊາດ ຈຳກັດ (PUNB) ທີ່ ປະເທດມາເລເຊຍ ຊຶ່ງການໄດ້ມາຮຽນຮູ້ໃນຄັ້ງນີ້ ເປັນການຮຽນຮູ້ທີ່ລ້ຳຄ່າຫຼາຍ ໃຫ້ແກ່ຄະນະກອງທຶນ LAFF ແລະ ສາມາດຖອດຖອນບົດຮຽນດັ່ງກ່າວ ເພື່ອນໍາເອົາໄປປັບໃຊ້ເຂົ້າໃນວຽກງານຂອງຕົນ. ນອກຈາກນັ້ນ, ຄະນະຍັງໄດ້ຮັບບົດຮຽນສຳຄັນຈາກ ຮູບແບບການຕິດຕາມ, ການສ້າງແຮງຈູງໃຈ ແລະ ການສົ່ງເສີມວິໃນທາງການເງິນ ຂອງ PUNB ເຊັ່ນ ການໃຫ້ສ່ວນຫຼຸດ ຫຼື ການຍົກເວ້ນດອກເບ້ຍເປັນການຊົ່ວຄາວ ເພື່ອຈູງໃຈໃຫ້ຜູ້ກູ້ຮັກສາວິໃນການຊຳລະໜີ້ ແລະ ສ້າງຄວາມຢືນຍົງໃຫ້ແກ່ກອງທຶນໃນລະຍະຍາວ.

ພາບ-ຂ່າວ ໂດຍ: ສຸກລາຕີ ບົວຄ່າສິດ

22 Aug ກອງທຶນສົ່ງເສີມການເຂົ້າເຖິງແຫຼ່ງທຶນໃນ ສປປ ລາວ “Lao Access to Finance Fund_LAFF” ສໍາເລັດ ການຮ່ວມສະໜັບສະໜູນວຽກງານການສ້າງຄວາມເຂັ້ມແຂງ ໃຫ້ແກ່ ສະຖາບັນການເງິນທີ່ເປັນຄູ່ຮ່ວມງານ, ສກຈຮ ຈໍາປາລາວ ສຳນັກງານໃຫຍ່, ແຂວງນະຄອນຫຼວງພະບາງໃນວັນທີ 20-22ສິງຫາ2025.

Posted at 07:43h in Uncategorized [social_share]

ໃນວັນທີ 20-22 ສິງຫາ 2025 ສະຖາບັນການເງິນຈຸລະພາກທີ່ຮັບເງິນຝາກ ຈໍາປາລາວ (ສກຈຮ ຈໍາປາລາວ) ໄດ້ຈັດຝຶກອົບຮົມ ເພື່ອສ້າງຄວາມເຂັ້ມແຂງດ້ານວິຊາການ ໃຫ້ແກ່ພະນັກງານສິນເຊື່ອ ຂອງຕົນ ພາຍໃຕ້ຫົວຂໍ້ ‘‘ການຕະຫຼາດ ທີ່ມີ ປະສິດທິພາບ ຊ່ວຍເພີ່ມຈໍານວນລູກຄ້າ ແລະ ການບໍລິຫານສິນເຊື່ອ ແບບມືອາຊີບ” ທີ່ ສໍານັກງານໃຫຍ່ ນະຄອນຫຼວງພະບາງ, ແຂວງນະຄອນຫຼວງພະບາງ, ການຝຶກອົບຮົມຄັ້ງນີ້ ໄດ້ຮັບກຽດເປັນປະທານ ໂດຍທ່ານ ສຸພົນ ລາຊະພົນ ຜູ້ອຳນວຍການ ສກຈຮ ຈໍາປາລາວ ແລະ ເປັນປະທານຮ່ວມໂດຍທ່ານ ນາງ ສຸກລາຕີ ບົວຄ່າສິດ ນັກວິເຄາະການເງິນ ຈາກກອງທຶນສົ່ງເສີມການເຂົ້າເຖິງແຫຼ່ງທຶນໃນ ສປປ ລາວ (ກອງທຶນ LAFF) ທະນາຄານແຫ່ງ ສປປ ລາວ, ພ້ອມດ້ວຍຄະນະ ແລະ ພະນັກນງານສິນເຊື່ອຈາກສໍານັກງານໃຫຍ່ ແລະ ໜ່ວຍບໍລິການທັງໝົດຂອງ ສກຈຮ ຈໍາປາລາວ ທີ່ຖືກເຊີນເຂົ້າຮ່ວມ ຈຳນວນ 29 ທ່ານ, ນັກວິທະຍາກອນຝຶກອົບຮົມຄັ້ງນີ້ ໄດ້ຮັບກຽດ ໂດຍທ່ານ ເພັດດາລາ ມະນີວົງ ອາຈານຈາກນະຄອນຫຼວງວຽງຈັນ, ເຊິ່ງການຝຶກອົບຮົມດັ່ງກ່າວ ໄດ້ຮັບການສະໜັບສະໜູນການສ້າງຄວາມເຂັ້ມແຂງດ້ານວິຊາການ ຮ່ວມຈາກກອງທຶນ LAFF.

ຈຸດປະສົງ ຂອງການຝຶກອົບຮົມໃນຄັ້ງນີ້ ແມ່ນເພື່ອຍົກລະດັບຄວາມຮູ້ ແລະ ຄວາມສາມາດ ໃຫ້ແກ່ ພະນັກງານ ສິນເຊື່ອ ຂອງ ສກຈຮ ຈໍາປາລາວ ລວມທັງໝົດ 04 ແຂວງຄື: ແຂວງ ຫົວພັນ, ແຂວງ ຊຽງຂວາງ, ແຂວງ ໄຊຍະບູລີ ແລະ ໜ່ວຍບໍລິການນໍ້າຖ້ວມໃຕ້ ແຂວງ ນະຄອນຫຼວງພະບາງ ເພື່ອນໍາເອົາບົດຮຽນໃນຄັ້ງນີ້ ໄປພັນຂະຫຍາຍກ່ຽວກັບ ວິທີການສ້າງກົນໄກຍຸດທະສາດການຕະຫຼາດ, ການວາງລະບຽບແບບແຜນ ແລະ ແຜນການຂະຫຍາຍລູກຄ້າໃໝ່ ລວມທັງ ການບໍລິຫານສິນເຊື່ອ ຢ່າງເປັນມືອາຊີບ ຕະຫຼອດຮອດ ການນໍາເອົາຄວາມຮູ້ໄປພັດທະນາອົງກອນໃຫ້ມີປະສິດທິພາບ ແລະ ປະສິດທິຜົນສູງສຸດ ຕໍ່ກັບການປ່ຽນແປງຂອງເສດຖະກິດ-ສັງຄົມໂດຍລວມ ໃນປັດຈຸບັນ.

ສກຈຮ ຈໍາປາລາວ ສ້າງຕັ້ງຂຶ້ນໃນປີ 2009 ມີສໍານັກງານໃຫຍ່ຕັ້ງຢູ່ ບ້ານມ້າ, ນະຄອນຫຼວງພະບາງ, ແຂວງ ນະຄອນ ຫຼວງພະບາງ ເປັນສະຖາບັນການເງິນໜຶ່ງທີ່ມີຄວາມໝັ້ນຄົງ ແລະ ມີລະບົບການບໍລິຫານ ແລະ ຄຸ້ມຄອງ ທີ່ເປັນມືອາຊີບ, ໃຫ້ການບໍລິການທາງດ້ານການເງິນໃນຫຼາຍຮູບແບບ, ມີປະສົບການໃນການປ່ອຍເງິນກູ້ໃຫ້ແກ່ຫົວໜ່ວຍຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ (MSMEs), ສກຈຮ ຈໍາປາລາວ ມີຄວາມຫ້າວຫັນໃນການບໍລິການລູກຄ້າດ້ວຍຄວາມເປັນກັນເອງ ແລະ ສະດວກວ່ອງໄວທັນໃຈ, ເຮັດໃຫ້ຜູ້ປະກອບການຈຸນລະວິສາຫະກິດ ຫຼື ຜູ້ຜະລິດຂະໜາດນ້ອຍໄດ້ມີໂອກາດເຂົ້າເຖິງແຫຼ່ງທຶນໄດ້ງ່າຍ. ນອກຈາກນັ້ນ, ຍັງມີຜະລິດຕະພັນເງິນຝາກທີ່ຫຼາກຫຼາຍ ໄວ້ໃຫ້ບໍລິການແກ່ລູກຄ້າ ທີ່ໃຫ້ຜົນຕອບແທນທີ່ເໝາະສົມ ແລະ ຄຸ້ມຄ່າ.

ກອງທຶນ LAFF ຮູ້ສຶກເປັນກຽດ ແລະ ພູມໃຈ ທີ່່ໄດ້ເປັນສ່ວນໜຶ່ງ ໃນການຮ່ວມສະໜັບສະໜູນ ການສົ່ງເສີມການສ້າງຄວາມເຂັ້ມແຂງທາງດ້ານວິຊາການ ໃຫ້ແກ່ ສະຖາບັນການເງິນທີ່ເປັນຄູ່ຮ່ວມງານ ກໍ່ຄື ສກຈຮ ຈໍາປາລາວ ໃນຄັ້ງນີ້, ໃນອານາຄົດ ຫວັງຢ່າງຍິ່ງວ່າ ກອງທຶນ LAFF ຈະໄດ້ມີໂອກາດ ສະໜັບສະໜູນທຶນເງິນກູ້ໃຫ້ແກ່ ສະຖາບັນການເງິນທີ່ເປັນຄູ່ຮ່ວມງານຂອງກອງທຶນ ເພື່ອນໍາເອົາທຶນເງິນກູ້ລົງສູ່ພໍ່ແມ່ປະຊາຊົນ ທີ່ຢູ່ເຂດຫ່າງໄກຊອກຫຼີກ ໄດ້ມີໂອກາດເຂົ້ເຖິງແຫຼ່ງທຶນ ແລະ ມີການບໍລິການທີ່ສະດວກວ່ອງໄວ ແລະ ມີເງື່ອນໄຂທີ່ເໝາະສົມ.

ພາບ-ຂ່າວ ໂດຍ: ສຸກລາຕີ ບົວຄ່າສິດ

19 Aug ກອງທຶນສົ່ງເສີມການເຂົ້າເຖິງແຫຼ່ງທຶນໃນ ສປປ ລາວ “Lao Access to Finance Fund_LAFF” ສໍາເລັດ ການຮ່ວມສະໜັບສະໜູນວຽກງານການສ້າງຄວາມເຂັ້ມແຂງ ໃຫ້ແກ່ ສະຖາບັນການເງິນທີ່ເປັນຄູ່ຮ່ວມງານ, ສກຈຮ ເອກພັດທະນາ ຢູ່ໜ່ວຍບໍລິການນະຄອນຫຼວງພະບາງ, ແຂວງນະຄອນຫຼວງພະບາງວັນທີ 19ກໍລະກົດ2025.

Posted at 06:33h in News [social_share]

ສະຖາບັນການເງິນຈຸລະພາກທີ່ຮັບເງິນຝາກ ເອກພັດທະນາ ໄດ້ຈັດຝຶກອົບຮົມ-ສໍາມະນາ ໃນວັນທີ 19 ສິງຫາ 2025 ເພື່ອສ້າງຄວາມເຂັ້ມແຂງໃຫ້ແກ່ກັບຫົວໜ້າສູນ ຢູ່ໜ່ວຍບໍລິການຫຼວງພະບາງ, ແຂວງນະຄອນຫຼວງພະບາງ ພາຍໃຕ້ຫົວຂໍ້ ‘‘ຍຸດທະສາດການພັດທະນາການເງິນດີຈີຕອນ ເພື່ອເພີ່ມທະວີການເຂົ້າເຖິງການບໍລິການໃນຊຸມຊົນ”, ການຝຶກອົບຮົມຄັ້ງນີ້ ໄດ້ຮັບກຽດເປັນປະທານ ໂດຍທ່ານ ລັດສະໝີ ຈັນທະລັງສີ ຜູ້ຈັດການເຂດ, ແລະ ທ່ານ ພິທັອບ ສີບຸນເຮືອງ ຫົວໜ້າພະແນກການຕະຫຼາດ ແລະ ປະຊາສຶກສາທາງດ້ານການເງິນເປັນຄູຝຶກ, ເປັນປະທານຮ່ວມໂດຍທ່ານນາງ ສຸກລາຕີ ບົວຄ່າສິດ ພ້ອມດ້ວຍຄະນະ ຈາກກອງທຶນສົ່ງເສີມການເຂົ້າເຖິງແຫຼ່ງທຶນໃນ ສປປ ລາວ, ທະນາຄານແຫ່ງ ສປປ ລາວ, ການຝຶກອົບຮົມຄັ້ງນີ້ໄດ້ມີຫົວໜ້າສູນເຂົ້າຮ່ວມ ຈຳນວນ 15 ທ່ານ.

ຈຸດປະສົງ ຂອງການຝຶກອົບຮົມຄັ້ງນີ້ ແມ່ນເພື່ອສົ່ງເສີມໃຫ້ຫົວໜ້າສູນໄດ້ເຂົ້າໃຈ ແລະ ຮຽນຮູ້ລະບົບການເງິນດີຈີຕອນ ເພື່ອແນ່ໃສ່ຄວາມສະດວກສະບາຍ, ວ່ອງໄວ, ຄວາມໂປ່ງໃສ, ຄວາມປອດໄພ ແລະ ການຫຼຸດຜ່ອນຄວາມສ່ຽງ, ລວມທັງ ການເຂົ້າເຖິງການບໍລິການດ້ານການເງິນທີ່ດີກ່ວາ ສຳລັບລູກຄ້າຂອງ ສກຈຮ ເອກພັດທະນາ. ການຝຶກອົບຮົມດັ່ງກ່າວ ໄດ້ຮັບການສະໜັບສະໜູນຮ່ວມ ຈາກກອງທຶນສົ່ງເສີມການເຂົ້າເຖິງແຫຼ່ງທຶນໃນ ສປປ ລາວ ຫຼື ກອງທຶນ LAFF.

ສກຈຮ ເອກພັດທະນາ ເປັນສະຖາບັນການເງິນໜຶ່ງທີ່ມີຄວາມໝັ້ນຄົງ ແລະ ມີລະບົບການຄຸ້ມຄອງ ແລະ ບໍລິຫານງານທີ່ທັນສະໄໝ ແລະ ເປັນມືອາຊີບ, ນໍາໃຊ້ລະບົບໄອທີ ເຂົ້າມາຊ່ວຍໃນການບໍລິຫານອົງກອນ, ມີປະສົບການຫຼາຍໃນການປ່ອຍເງິນກູ້ໃຫ້ແກ່ຫົວໜ່ວຍຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ (MSMEs), ເຊິ່່ງເຫັນໄດ້ຈາກລູກຄ້າເງິນກູ້ຂອງສະຖາບັນການເງິນດັ່ງກ່າວ ແມ່ນຈຸນລະວິສາຫະກິດທີ່ທໍາການຜະລີດຂະໜາດນ້ອຍ, ສກຈຮ ເອກພັດທະນາ ມີຄວາມຫ້າວຫັນໃນການບໍລິການ, ບໍລິການລູກຄ້າດ້ວຍຄວາມເປັນກັນເອງ ແລະ ສະດວກວ່ອງໄວທັນໃຈ. ມີຜະລິດຕະພັນທາງການເງິນທີ່ຫຼາກຫຼາຍໄວ້ໃຫ້ບໍລິການລູກຄ້າ ທັງເງິນຝາກ ແລະ ເງິນກູ້ ທີ່ເໝາະສົມ, ເຮັດໃຫ້ຜູ້ປະກອບການຈຸນລະວິສາຫະກິດ ຫຼື ຜູ້ຜະລິດຂະໜາດນ້ອຍໄດ້ມີໂອກາດເຂົ້າເຖິງແຫຼ່ງທຶນໄດ້ງ່າຍ. ນອກຈາກນັ້ນ, ຍັງຕ້ອງການຫັນເປັນສີຂຽວ ໂດຍການນໍາໃຊ້ລົດໄຟຟ້າໃນການເຄື່ອນໄຫວວຽກງານ, ຫຼຸດຜ່ອນການນໍາໃຊ້ເຈ້ຍພາຍໃນອົງກອນ ດ້ວຍການນໍາໃຊ້ແອັບພິເຄຊັ່ນທີ່ທັນສະໄໝເຂົ້າໃນການເປີດບັນຊີ, ການປ່ອຍກູ້ ແລະ ອື່ນໆ. ປັດຈຸບັນ ສກຈຮ ເອກພັດທະນາ ເປັນຜູ້ນໍາໃຊ້ລະບົບການເງິນດີຈີຕອນທີ່ທັນສະໄໝກວ່າໜູ່.

ຜົນສໍາເລັດ ຂອງການຝຶກອົບຮົມຄັ້ງນີ້ ເຫັນວ່າ ສກຈຮ ເອກພັດທະນາ ບັນລຸຜົນສຳເລັດຕາມເປົ້າໝາຍທີ່ຕັ້ງໄວ້ໃນການສ້າງຄວາມເຂັ້ມແຂງດ້ານລະບົບການເງິນດີຈີຕອນ ໃຫ້ແກ່ ຫົວໜ້າສູນ ຂອງ ສກຈຮ ເອກພັດທະນາ ເພື່ອແນ່ໃສ່ ການເຂົ້າເຖິງການບໍລິການດ້ານການເງິນທີ່ ມີຄວາມສະດວກສະບາຍ, ວ່ອງໄວ, ຄວາມໂປ່ງໃສ, ຄວາມປອດໄພ ແລະ ການຫຼຸດຜ່ອນຄວາມສ່ຽງ ໃຫ້ແກ່ລູກຄ້າຂອງ ສກຈຮ ເອກພັດທະນາ.

ກອງທຶນ LAFF ຮູ້ສຶກເປັນກຽດ ແລະ ດີໃຈ ທີ່່ໄດ້ເປັນສ່ວນໜຶ່ງ ໃນການຮ່ວມສະໜັບສະໜູນ ການສົ່ງເສີມການສ້າງຄວາມເຂັ້ມແຂງທາງດ້ານວິຊາການ ໃຫ້ແກ່ ສະຖາບັນການເງິນທີ່ເປັນຄູ່ຮ່ວມງານ ກໍ່ຄື ສກຈຮ ເອກພັດທະນາ ໃນຄັ້ງນີ້, ໃນອານາຄົດ ຫວັງຢ່າງຍິ່ງວ່າ ກອງທຶນ LAFF ຈະໄດ້ມີໂອກາດ ສະໜັບສະໜູນທຶນເງິນກູ້ໃຫ້ແກ່ ສກຈຮ ເອກພັດທະນາ ເພື່ອນໍາເອົາທຶນເງິນກູ້ລົງສູ່ພໍ່ແມ່ປະຊາຊົນ ທີ່ຢູ່ເຂດຫ່າງໄກຊອກຫຼີກ ໄດ້ມີໂອກາດເຂົ້ເຖິງແຫຼ່ງທຶນ ແລະ ມີການບໍລິການທີ່ສະດວກວ່ອງໄວ ແລະ ມີເງື່ອນໄຂທີ່ເໝາະສົມ.

ພາບ-ຂ່າວ ໂດຍ: ສຸກລາຕີ ບົວຄ່າສິດ

Laff.org.la

26 Aug ປະກາດແຈ້ງການ

11 Aug News article: The Lao Access to Finance Fund in Lao PDR “Lao Access to Finance Fund_LAFF” completed the inspection and monitoring of partner financial institutions and the assessment of the lending capacity of new financial institutions on 01-02 and 06-10 July 2026

19 May ກອງທຶນ LAFF ສໍາເລັດການທັດສະນະສຶກສາ ແລະ ແລກປ່ຽນບົດຮຽນ ຢູ່ ສະຫະພັນສະຫະກອນກະສິກຳແຫ່ງຊາດ ເກົາຫຼີໃຕ້

Contact

Menu

Maps